ایران نے اپنے فوجی اڈے کو روس کے اختیار میں نہیں دیا، ڈاکٹر لاریجانی

کیٹیگری ایران
Wednesday, 17 August 2016


ایران کی پارلیمنٹ کے اسپیکر نے کہا ہے کہ تہران، علاقے میں دہشت گردی کے بحران کے حل میں روس کے ساتھ تعاون کر رہا ہے مگر اس نے اپنے فوجی اڈے کو روس کے اختیار میں نہیں دیا ہے۔

ایران کی مجلس شورائے اسلامی کے اسپیکر ڈاکٹر علی لاریجانی نے بدھ کے روز ایران میں روسی جنگی طیاروں کی تعیناتی کے بارے میں کئے جانے والے ایک سوال کے جواب میں کہا کہ ایران، شام جیسے علاقائی مسائل کے حل میں ایک اتحادی ملک کی حیثیت سے روس کے ساتھ تعاون کر رہا ہے مگر اس کا مطلب یہ نہیں ہے کہ ایران نے اپنے فوجی اڈے کو، روس کے اختیار میں دے دیا ہے۔

ڈاکٹر علی لاریجانی نے اس بات کا ذکر کرتے ہوئے کہ آئین کی شق نمبر ایک سو چھیالیس کی بنیاد پر ایران میں کسی بھی قسم کا غیر ملکی اور فوجی اڈہ قائم کئے جانے کی اجازت نہیں ہے، کہا کہ ایران، روس کے ساتھ دہشت گردی کے اس بحران کی بناء پر، جو امریکہ اور علاقے کے بعض ملکوں نے پیدا کیا ہے، تعاون کر رہا ہے اور روس بھی، علاقے کی صورت حال کو صحیح طرح سے درک کرتے ہوئے دہشت گردی کے بحران کے حل میں ایران کے ساتھ تعاون کر رہا ہے۔

انھوں نے بحران شام کے حل کے بارے میں ایرانی نظریات کی سچّائی سامنے آنے کی طرف اشارہ کرتے ہوئے کہا کہ ایران، بحران یمن کے بارے میں بھی روسی مواقف کا خیر مقدم کرتا ہے، بنابریں علاقے میں دہشت گردی کے بحران کے حل سے متعلق ایران کا نقطہ نظر روس کے نقطہ نظر سے کافی قریب ہے۔

اس سلسلے میں ایران کی قومی سلامتی کی اعلی کونسل کے سیکریٹری علی شمخانی نے بھی منگل کو شام میں دہشت گردوں پر حملہ کرنے کے لئے روس کی جانب سے ایران کی فضا اور وسائل و ذرائع سے استفادہ کئے جانے کے بارے میں بعض خبروں پر اپنے ردعمل کا اظہار کرتے ہوئے کہا ہے کہ شام میں دہشت گردی کے خلاف مہم میں ایران اور روس کے درمیان تعاون، اسٹریٹیجک اہمیت کا حامل ہے۔

پڑھا گیا 550 دفعہ

Leave a comment

شیعہ نسل کشی رپورٹ

Shia Genocide 2016

حلب میں داعش کو شکست

حلب شام میں داعش کو شکست فاش کی لمحہ بہ لمحہ خبریں

اسلام و پاکستان دشمن مفتی نعیم

Mufti Naeem

مقبوضہ کشمیر و فلسطین

اسرائیلی فوج کی فائرنگ سے دو فلسطینی شہید

اسرائیلی فوج کی فائرنگ سے دو فلسطینی شہید

غزہ پٹی میں واپسی مارچ پر اسرائیلی فوج کی فائرنگ سے زخمی ہونے والے دو فلسطینی نوجوان احمد علی قطوش اور محمد بکر ابوطاحون زخموں کی تاب نہ لاتے ہوئے شہی...

مقالہ جات

صدی کی سب سے بڑی ڈیل کیا ہے؟

صدی کی سب سے بڑی ڈیل کیا ہے؟

صدی کی سب سے بڑی ڈیل در حقیقت مسئلہ فلسطین کے حل کے لئے ایک نیا نقطہ نظرہے جسے امریکی صدر ٹرمپ نے پیش کیا ہے اور اس نقطہ نظر کو امریکی اتحادی عرب ممال...

Follow

Facebook

ڈیلی موشن

سوشل میڈیا لنکس

ہم سے رابطہ

ایمیل: This email address is being protected from spambots. You need JavaScript enabled to view it.

ویبسائٹ http://www.shiitenews.org