ماہ رمضان میں مذہبی تقاریب پر پابندی لگانا استعماری سازش کا حصہ ہے، مولانا عباس انصاری

کیٹیگری پاکستان
Saturday, 17 June 2017


شیعیت نیوز: مولائے متقیان شیر خدا حضرت امام علی (ع) کی شہادت کی مناسبت سے کشمیر بھر میں جموں و کشمیر اتحاد المسلمین کی جانب سے مختلف تقاریب، مجالس اور جلوس ہائے عزاء کا اہتمام کیا گیا۔ سرینگر میں گنڈ حسی بٹ، بڈگام میں گریند کلان اور بارہ مولہ میں آرم پورہ اور گنڈ خواجہ قاسم میں مجالس منعقد ہوئیں اور جلوس نکالے گئے۔ سب سے بڑی تقریب میرگنڈ پٹن میں منعقد ہوئی جہاں ہزاروں عزاداروں نے صبح سویرے مجلس میں شرکت کی اور ذاکرین کرام نے حضرت امیر المومنین (ع) کے فضائل و مناقب اور مصائب و آلام بیان کئے۔ مجلس عزاء سے خطاب کرتے ہوئے مولانا عباس انصاری نے سیرت امیر المومنین (ع) پر مفصل روشنی ڈالتے ہوئے کہا کہ حضرت علی (ع) کی تعلمیات سے ہمیں یہ درس ملتا ہے کہ ہم اپنی پوری زندگی میں اور ہر میدان میں تقوٰی و پرہیزگاری اختیار کرنی چاہئے۔

انہوں نے کہا کہ حضرت علی (ع) کو شہید کرنے کا عمل ایک دہشت گردانہ اقدام تھا، جس سے آج بھی عالم اسلام تازیانے کھا رہا ہے اور آج بھی عالمی سطح پر امت مسلمہ کو تقسیم کے لئے اختلافی مسائل اور قتل و غارتگری کا استعمال کیا جا رہا ہے۔ انہوں نے کہا کہ بھارتی حکومت اور اس کی ریاستی ایجنسیاں ملت اسلامیہ کشمیر میں اختلافات کی دراڑیں پیدا کرنے کے درپے ہیں، اس لئے موجودہ حالات میں کشمیر کے تمام مسلمان بلا لحاظ مسلک و عقیدہ اتحاد و اتفاق، باہمی اخوت اور بھائی چارے کا ماحول پیدا کر کے موجودہ جدوجہد کو جاری رکھیں۔ مولانا عباس انصاری نے کہا کہ موجودہ عوامی انقلاب کو دبانے کے لئے آج کشمیر کو کربلا بنا دیا گیا ہے اور اب یہ حکومت استعماری و فریبکاری کی مکروہ سازش کو اپنا کر مسلمانوں کے درمیان مسلکی اختلافات کو فروغ دینے میں مصروف ہے، اس کے لئے کچھ شیعہ وزراء نے اپنی خدمات پیش کیں ہیں۔

انہوں نے کہا کہ آج کربلائے کشمیر میں بربریت اور یزیدیت کا راج ہے اور نماز جمعہ و دیگر مذہبی اجتماعات پر پابندی عائد کی گئی ہے، آئمہ مساجد اور مسلمانوں کے مقدسات کے خلاف توہین آمیز اقدامات کئے جا رہے ہیں، یہاں آر ایس ایس ایجنڈا لاگو کرنے کی کوشش کی جا رہی ہے، شیعہ مسلمانوں کو پہلے سے ہی عزاداری کے کلیدی جلوس برآمد کرنے سے روکا گیا ہے اور اب ہمیں ماہ رمضان میں بھی مذہبی تقریبات کے انعقاد سے روکا جا رہا ہے۔

پڑھا گیا 398 دفعہ

Leave a comment

شیعہ نسل کشی رپورٹ

Shia Genocide 2016

حلب میں داعش کو شکست

حلب شام میں داعش کو شکست فاش کی لمحہ بہ لمحہ خبریں

اسلام و پاکستان دشمن مفتی نعیم

Mufti Naeem

مقبوضہ کشمیر و فلسطین

تنظیم آزادی فلسطین کے دفاتر کی بندش کی امریکی دھمکی مسترد

تنظیم آزادی فلسطین کے دفاتر کی بندش کی امریکی دھمکی مسترد

مقبوضہ بیت المقدس (مانیٹرنگ ڈیسک) تنظیم آزادی فلسطین نے امریکی دھمکیوں کا دوٹوک جواب دیتے ہوئے خبردار کیا ہے کہ اگر واشنگٹن میں فلسطینی مشن بند کیا گ...

مقالہ جات

Follow

Facebook

ڈیلی موشن

سوشل میڈیا لنکس

ہم سے رابطہ

ایمیل: This email address is being protected from spambots. You need JavaScript enabled to view it.

ویبسائٹ http://www.shiitenews.org