تازہ ترین

اخبار ’الریاض‘ فلسطینی تحریک آزادی کی توہین کا مرتکب:حماس

کیٹیگری مقبوضہ فلسطین
Monday, 07 August 2017


شیعیت نیوز: اسلامی تحریک مزاحمت ’حماس‘ نے سعودی عرب سے شائع ہونے والے اخبار ’الریاض‘ کی جانب سے جماعت کو دہشت گرد تنظیم قرار دینے کی شدید مذمت کی ہے اور کہا ہے کہ اخبار ’الریاض‘ نے فلسطینی تحریک آزادی اور مقدسات کے دفاع کے لیے جاری جدو جہد کی توہین کی ہے۔

اطلاعات کے مطابق حماس کی جانب سے سعودی اخبار کے اداریے کے رد عمل میں جاری کردہ بیان میں کہا گیا ہے کہ ’اخبار الریاض میں فلسطینی مزاحمتی تنظیموں بالخصوص حماس کو ’دہشت گرد‘ قرار دینا انتہائی خطرناک سوچ ہے۔ حماس اخبار الریاض کے موقف کی شدید الفاظ میں مذمت کرتے ہوئے اسے کلی طور پر مسترد کرتی ہے۔

بیان میں کہا گیا ہے کہ حماس فلسطینی قوم کے سلب شدہ حقوق بالخصوص حق خود ارادیت کے حصول کے ساتھ ساتھ مقدسات کے دفاع کے لیے جدو جہد کررہی ہے۔ حماس قابض صہیونی دشمن کے سوا کسی سے دشمنی کی روادار نہیں۔ حماس کی جنگ صرف غاصب صہیونیوں کے خلاف ہے۔ دفاع قبلہ اول اور فلسطینی قوم کے حقوق کے لیے آئینی جدو جہد کرنے والی تنظیموں اور حماس کو دہشت گرد قرار دینا فلسطینی تحریک آزادی کی توہین ہے۔ سعودی اخبار نے جو موقف اختیار کیا ہے وہ فلسطینی قوم کی خدمت نہیں بلکہ صہیونی ریاست کی خدمت کے مترادف ہے۔

پوری مسلم امہ اور عرب دنیا مسئلہ فلسطین کو اولین حل طلب مسئلہ قرار دیتی ہے۔ ایسے میں سعودی عرب جیسے فلسطینی تحریک آزادی کے حامی ملک کے کسی اخبار کی طرف سے حماس کو دہشت گرد قرار دینا انتہائی افسوس ناک ہے۔

بیان میں کہا گیا ہے کہ اخبار الریاض نے فلسطینی قوم کی نہیں بلکہ اسرائیلی دشمن کی ترجمان کی ہے۔ حماس الریاض اخبار کے موقف کو یکسر مسترد کرتے ہوئے اسے فلسطینی قوم کے بنیادی حقوق اور تحریک آزادی و دفاع مقدسات کی توہین کے مترادف قرار دیتی ہے۔

خیال رہے کہ سعودی عرب کے اخبار ’الریاض‘ نے حماس کے وفد کے دورہ ایران کی خبر شائع کرنے کے ساتھ ساتھ جماعت کو ’دہشت گرد‘ تنظیم قرار دیا تھا۔

پڑھا گیا 156 دفعہ Last modified on Monday, 07 August 2017

Leave a comment

شیعہ نسل کشی رپورٹ

Shia Genocide 2016

حلب میں داعش کو شکست

حلب شام میں داعش کو شکست فاش کی لمحہ بہ لمحہ خبریں

اسلام و پاکستان دشمن مفتی نعیم

Mufti Naeem

مقبوضہ کشمیر و فلسطین

امریکہ، صیہونی جنگی مجرموں کی حمایت کرتا ہے

امریکہ، صیہونی جنگی مجرموں کی حمایت کرتا ہے

فلسطین کی تحریک حماس نے واشنگٹن میں پی ایل او کا دفتر دوبارہ کھولنے کے لئے امریکہ کی شرط کو فلسطینی قوم کو جارحیت کا نشانہ بنانے پر صیہونی حکومت کے خل...

مقالہ جات

Follow

Facebook

ڈیلی موشن

سوشل میڈیا لنکس

ہم سے رابطہ

ایمیل: This email address is being protected from spambots. You need JavaScript enabled to view it.

ویبسائٹ http://www.shiitenews.org