تازہ ترین

شام میں زندگی لوٹ رہی ہے

کیٹیگری مشرق وسطی
Saturday, 13 January 2018


اب رقہ میں ہر طرف سکون ہے اتنا کہ اب کسی بچے کے اچانک کھو جانے کا ڈر نہیں ہے۔ کیونکہ اگر یہاں آج بھی دہشتگردوں کا بسیرا ہوتا تو بچوں کو گھروں سے باہر بھیجنا تو درکنار کوئی اپنے جگر کے ٹکڑوں کے ساتھ یہاں زندگی گذارنا بھی پسند نہیں کرتا تھا۔

شام کے اکثر علاقوں میں زندگی معمول پر آنا شروع ہوگئی ہے اور رقہ میں بھی اپنے وطن سے محبت کرنے والے شامی شہری اب اپنے گھروں کو لوٹنا شروع ہوگئے ہیں۔

شام کے اہم اسٹرٹیجک شہر رقہ کی تکفیری دہشتگرد گروہ داعش سے آزادی کے بعد وہاں کے شہری اپنے گھروں کو واپس لوٹ رہے ہیں۔ رقہ جہاں لوگ تکفیری دہشتگروں کے خوف سے اپنے گھر بار چھوڑ کر ہجرت پر مجبور ہوگئے تھے اب وہاں صبح سویرے روٹی کے تندور پر خواتین اور مردوں کی بڑی تعداد روٹی خریدنے موجود ہوتی ہے۔

اب یہاں کسی قسم کا خوف نظر نہیں آتا نہ ہی وحشت کے سائے منڈلاتے ہوئے نظر آتے ہیں۔ یہاں تکفیریت کی تباہ کاریوں کے انمٹ نقوش ٹوٹی پھوٹی عمارتوں کی شکل میں موجود ہیں جن پر چند دنوں پہلے تک ہی وحشی درندے منڈلاتے ہوئے نظر آتے تھے اور ان کی بداخلاقی، بدتہذیبی، جہالت اور بربریت زباں زد عام تھی۔ لیکن اب یہاں ہر طرف شام کے پرچم لہراتے ہوئے نظر آتے ہیں اور فورسز کے جوان ہیں جنہوں نے اپنی جان پر کھیل کر رقہ کے ان علاقوں کو تکفیری دہشتگردوں کے پنجوں سے واپس چھینا ہے۔

اب رقہ میں ہر طرف سکون ہے اتنا کہ اب کسی بچے کے اچانک کھو جانے کا ڈر نہیں ہے۔ کیونکہ اگر یہاں آج بھی دہشتگردوں کا بسیرا ہوتا تو بچوں کو گھروں سے باہر بھیجنا تو درکنار کوئی اپنے جگر کے ٹکڑوں کے ساتھ یہاں زندگی گذارنا بھی پسند نہیں کرتا تھا۔

جلد ہی شام کے عوام کی استقامت اور خطے کے دیگر دوست ممالک کی حمایت رنگ لائے گی اور شام مکمل طور پر ان دہشگردوں کے قبضے سے آزاد ہوجائے گا ایک بار پھر یہاں تعمیر و ترقی کے روشن باب کا آغاز ہوگا اور اب کی دفعہ شام بہت تیز رفتاری سے ترقی کرے گا کیونکہ جس سرزمین کو جوانوں کے خون سے سینچا جاتا ہے وہاں اگر چار طرف تباہی کے آثار، ٹوٹی پھوٹی عمارتیں، تباہی، بربادی، بھوک اور افلاس اور فضاوں میں بارود کی بو ہی کیوں نہ رچ بس گئی ہو وہاں کے عوام اسی خرابے پر اپنے عزم و حوصلے کی بنیادوں کے اوپر ہمت اور سربلندی کی نئی عمارتیں پھر کھڑی کر لیتے ہیں۔

پڑھا گیا 439 دفعہ

Leave a comment

شیعہ نسل کشی رپورٹ

Shia Genocide 2016

حلب میں داعش کو شکست

حلب شام میں داعش کو شکست فاش کی لمحہ بہ لمحہ خبریں

اسلام و پاکستان دشمن مفتی نعیم

Mufti Naeem

مقبوضہ کشمیر و فلسطین

صییہونی فوجیوں کی بربریت ایک اور فلسطینی نوجوان شہید

صییہونی فوجیوں کی بربریت ایک اور فلسطینی نوجوان شہید

صیہونی فوجیوں نے غرب اردن کے شہر الخلیل میں ایک ستائیس سالہ نوجوان عمر حسن العواودہ کوگولی مارکر شہید کردیا ہے۔صیہونی فوجیوں نے دعوی کیا ہے کہ اس فلسط...

مقالہ جات

سویڈن میں یمن امن مذاکرات

سویڈن میں یمن امن مذاکرات

یمن کیلئے اقوام متحدہ کے خصوصی نمائندے مارٹین گریفتھس نے یمن جنگ کے فریقین کے مابین امن مذاکرات کیلئے اس بار سویڈن کے دارالحکومت اسٹاک ہوم میں نئی کوش...

Follow

Facebook

ڈیلی موشن

سوشل میڈیا لنکس

ہم سے رابطہ

ایمیل: This email address is being protected from spambots. You need JavaScript enabled to view it.

ویبسائٹ http://www.shiitenews.org