یمنی فوج نے سعودی پیٹریاٹ سسٹم تباہ کردیا

کیٹیگری یمن
Saturday, 10 February 2018


یمنی فوج اور عوامی رضاکار فورس کے جوانوں نے جنوب مغربی یمن کے صوبے مخا میں سعودی فوجی اتحاد کے متعدد ٹھکانوں پر پوری ہم آہنگی کے ساتھ حملے کیے ہیں اور علاقے میں نصب سعودی عرب کا پیٹریاٹ میزائل سسٹم تباہ کردیا ہے۔ سعودی عرب نے سن دوہزار پندرہ میں ایک ارب پچھتر کروڑ ڈالر کے ایک معاہدے کے تحت امریکہ سے پیٹریاٹ میزائل سسٹم اور پیک تھری نامی میزائل حاصل کیے تھے جو بیلسٹک میزائلوں کو تباہ کرنے کی توانائی رکھتے ہیں۔یمن کے خلاف سعودی جارحیت، پابندیوں اور محاصرے کے باوجود یمنی فوج اور عوامی رضاکار فورس کی دفاعی طاقت اور توانائیوں میں مسلسل اضافہ ہورہا ہے۔دوسری جانب یمنی فوج اور عوامی رضاکار فورس کے جوانوں نے ملک کے شمالی صوبے جوف کے المتون ٹاؤن میں حملہ کرکے سعودی اتحاد کی متعدد گاڑیوں اور فوجی سازمان کو تباہ کردیا ہے۔صوبہ مآرب میں بھی سعودی فوجی اتحاد کی ماس نامی چھاونی پر یمنی فوج اور عوامی رضاکار فورس کے حملے میں متعدد اتحاد ی فوجی ہلاک اور زخمی ہوئے ہیں۔یمنی فوج اور عوامی رضاکار فورس کے جوانوں نے سعودی عرب کے سرحدی صوبے نجران میں عباسہ اور علیب نامی علاقوں میں واقع فوجی اہداف پرگولہ باری کی ہے۔ادھر پریس ٹی وی نے اپنی ایک رپورٹ میں بتایا ہے کہ سعودی حکومت کے لڑاکا طیاروں نے یمن کے دارالحکومت صنعا میں کئی مقامات پر بمباری کی ہے۔ تاحال سعودی جارحیت میں ہونے والے جانی یا مالی نقصانات کے بارے میں کوئی اطلاع نہیں ملی۔دریں اثنا اقوام متحدہ کے ادارہ پناہ گزیناں نے اپنی تازہ رپورٹ میں بتایا ہے کہ سعودی جارحیت کے نتیجے میں پچھلے صرف دس ہفتے کے دوران پچاسی ہزار سے زائد لوگوں کو اپنا گھر بار چھوڑنے پر مجبور ہونا پڑا ہے۔اس سے پہلے سے اقوام متحدہ نے خبر دار کیا کہ تھا یمن کی جنگ بند نہ ہوئی تو تعز اور حدیدہ سمیت یمن کے جنوبی علاقوں سے بڑے پیمانے پر نقل مکانی کا امکان ہے۔سعودی عرب نے امریکا اور علاقے کے بعض عرب ملکوں کی حمایت سے مارچ دوہزار پندرہ سے یمن پر اپنی وحشیانہ جارحیت کا سلسلہ شروع کررکھا ہے جس کے نتیجے میں اب تک دسیوں ہزار یمنی شہری شہید اور زخمی ہوچکے ہیں۔

پڑھا گیا 292 دفعہ

Leave a comment

شیعہ نسل کشی رپورٹ

Shia Genocide 2016

حلب میں داعش کو شکست

حلب شام میں داعش کو شکست فاش کی لمحہ بہ لمحہ خبریں

اسلام و پاکستان دشمن مفتی نعیم

Mufti Naeem

مقبوضہ کشمیر و فلسطین

مقالہ جات

امریکہ کی نئی مشکل، لبنان اسرائیل تنازعہ

امریکہ کی نئی مشکل، لبنان اسرائیل تنازعہ

سال 2018ء امریکی سامراجی بلاک اور اس کے پسندیدہ قریبی اتحادیوں کے لئے نئی مشکلات کے ساتھ شروع ہوا ہے۔ اپنی تمام تر سازشوں اور چالاکیوں کے باوجود امریک...

Follow

Facebook

ڈیلی موشن

سوشل میڈیا لنکس

ہم سے رابطہ

ایمیل: This email address is being protected from spambots. You need JavaScript enabled to view it.

ویبسائٹ http://www.shiitenews.org