حماس وفد کی لبنانی صدر سے فلسطین کی تازہ صورت حال پر بات چیت

کیٹیگری لبنان
Thursday, 12 April 2018


بیروت (مانیٹرنگ ڈیسک)اسلامی تحریک مزاحمت ’حماس‘ کےسیاسی شعبے کے سینیر رکن عزت الرشق کی قیادت میں جماعت کے ایک اعلیٰ اختیاراتی وفد نے اپنے دورہ لبنان کے دوران صدر میشل عون سے ملاقات کی۔لبنان میں میشل عون اور حماس کے وفد کے درمیان ہونے والی بات چیت میں فلسطینی دھڑوں حماس اور تحریک فتح کے درمیان مصالحت پر تبادلہ خیال کیا گیا۔

ملاقات میں فلسطین کی تازہ ترین صورت حال، اسرائیلی ریاست کے مظالم، غزہ کی پٹی میں پرامن مظاہرین پر اسرائیلی حملوں اور اس کے نتیجے میں ہونے والی شہادتوں سے پیدا شدہ صورت حال اور لبنان میں فلسطینی پناہ گزینوں کے مسائل پر تفصیلی بات چیت کی گئی۔

اس موقع پر حماس کی قیادت نے لبنانی رہ نماؤں کو یقین دلایا کہ لبنان میں قائم فلسطینی پناہ گزین کیمپوں کو بیروت میں بد امنی کے لیے استعمال کرنے کی اجازت نہیں دی جائے گی۔

عزت الرشق نے کہا کہ حماس لبنان کی ترقی، استحکام، امن اور خوش حالی کی خواہاں ہے۔ فلسطینی پناہ گزین کیمپوں کو لبنان کے داخلی بحران پر اثرا انداز ہونے کی اجازت نہیں دی جائے گی۔

ان کا کہنا تھا کہ فلسطینی پناہ گزین لبنان کے موجودہ سیاسی بحران میں کسی ایک فریق کے حامی یا مخالف نہیں۔ ہماری تمام تر توجہ القدس اور فلسطین کو آزاد کرانے اور صہیونی ریاست کے فلسطینیوں پر مظالم پر مرکوز ہیں۔ حماس کسی دوسرے عرب یا مسلمان ملک کے اندرونی مداخلت کی روادار نہیں۔

لبنانی صدر میشل عون اور اسپیکر نے حماس کی قیادت کویقین دلایا کہ ان کی حکومت اپنے داخلی بحرانوں کے باوجود فلسطینیوں کے دیرینہ حقوق کی حمایت جاری رکھے گی اور لبنان میں مقیم فلسطینی پناہ گزینوں کی بہبود کے لیے ہرممکن اقدامات کیے جائیں گے۔ حماس کے وفد میں لبنان میں مقیم حماس رہ نما اسامہ حمدان اور اور جماعت کے مندوب علی برکہ شامل تھے۔

پڑھا گیا 36 دفعہ

Leave a comment

شیعہ نسل کشی رپورٹ

Shia Genocide 2016

حلب میں داعش کو شکست

حلب شام میں داعش کو شکست فاش کی لمحہ بہ لمحہ خبریں

اسلام و پاکستان دشمن مفتی نعیم

Mufti Naeem

مقالہ جات

Follow

Facebook

ڈیلی موشن

سوشل میڈیا لنکس

ہم سے رابطہ

ایمیل: This email address is being protected from spambots. You need JavaScript enabled to view it.

ویبسائٹ http://www.shiitenews.org