سعودی حکومت ایک بے عقل اور بے دین ولیعہد کے ہاتھ میں ہے آیت اللہ امامی کاشانی

کیٹیگری ایران
Friday, 13 April 2018


تہران کے خطیب جمعہ آیت اللہ امامی کاشانی نے اس ہفتے نماز کے خطبے میں عید مبعث کی آمد کی مبارکباد پیش کرتے ہوئے کہا کہ قرآن کریم اور سرکار دوعالم حضرت محمد مصطفے صل اللہ علیہ وآلہ وسلم کی ذات گرامی روئے زمین پر خداوندعالم کی تجلی ہے کہ جن کی تعلیمات انسان کو نجات دلا کر انہیں منزل کمال پر پہنچاتی ہے۔ ان کا کہنا تھا کہ تمام تر سست رفتاری اور مشکلات کے باوجود انسانی تکامل کا عمل آ گے بڑھ رہا ہے اور یہ سلسلہ حضرت مہدی عج اللہ تعالی فرجہ الشریف کے ظہور تک جاری رہے گا۔

تہران کےخطیب جمعہ آیت اللہ امامی کاشانی نے انیس اناسی میں امام خمینی کی قیادت میں ایرانی عوام کے اسلامی انقلاب کی کامیابی کو انسانی کمال کا ایک جلوہ قراردیا اور کہا کہ جس طرح رسول اسلام کے زمانے میں دشمن ان کے مقابلے میں کھڑے ہوگئے تھے آج اسلامی انقلاب کے مقابلے میں بھی کچھ لوگ اٹھ کھڑے ہوئے ہیں اور اس کی مخالفت کررہے ہیں۔

آیت اللہ امامی کاشانی نے تاریخ میں دین اسلام سے کی گئی عداوتوں اور دشمنیوں کا ذکرکرتے ہوئے کہا کہ گذشتہ تین سو برسوں سے برطانیہ نے اسلامی معاشرے کو گمراہ کرنے کی کوشش شروع کر رکھی ہے اور اس نے مسلمانوں کو گمراہ کرنے کے لئے دس ایجنٹوں کو اسلامی ملکوں میں بھیجا تھا اور اسّی سال قبل وہابیت سعودی عرب میں معرض وجود میں آئی اور پھر اسلام کے لئے اس کی خیانت اور غداری سب پر واضح ہوگئی۔ انہوں نے کہا کہ آج امریکا، آل سعود اور تل ابیب کا منحوس تکون دنیا والوں سے بے شمار دشمنی کر رہا ہے۔ ان کا کہنا تھا کہ یہ منحوس مثلث شام، لبنان، عراق، یمن، افریقا اور دنیا کے دیگر ملکوں جس طرح کے جرائم کا ارتکاب کر رہاہے وہ کسی سے پوشیدہ نہیں ہے۔

تہران کے خطیب جمعہ نےامام زمانہ عج اللہ تعالی فرجہ الشریف کی شان میں سعودی عرب کے بے عقل ولیعہد کے ذریعے کی گئی گستاخیوں کا ذکرکرتے ہوئے کہا کہ ہمیں سعودی ولیعہد کے بیانات پر تعجب نہیں ہے بلکہ تعجب سعودی علما پر ہے جو یہ جانتے ہوئے کہ ایک مصلح کی آمد کے مسئلے کو پوری دنیا تسلیم کرتی ہے پھر اپنے نوجوانوں کو یہ نہیں بتاتے کہ یہ ایک مسلمہ حقیقت ہے اور اس کو سبھی ادیان قبول کرتے ہیں۔ ان کا کہنا تھاکہ سب جانتے ہیں کہ ایک دن امام زمانہ عج اللہ تعالی فرجہ الشریف ظہور فرمائیں گے اور سبھی ظالموں سے حساب لیں گے۔

تہران کے خطیب جمعہ آیت اللہ امامی کاشانی نے کہا کہ امریکی طاقت، صیہونی سیاست اور سعودی پیسہ اور نظریہ، سب مل کر عالم اسلام کو اس کے حقیقی اعتقادات اور نظریات سے تہی دست اور بیگانہ کرنا چاہتے ہیں۔ انہوں نے کہا واشنگٹن، تل ابیب اور ریاض مسلمانوں کے درمیان اختلاف و تفرقہ پھیلانے کی کوشش کر رہے ہیں اور ہماری ذمہ داری ہے کہ اس منحوس مثلث کے مقابلے میں عالم اسلام کو متحد کرنے کی کوشش کریں۔

تہران کے خطیب جمعہ نے کہا کہ امریکا صیہونی حکومت اور سعودی عرب مکتب شہادت کو مٹادینا چاہتے ہیں لیکن دشمنوں کی سازشوں کے برخلاف شہادت کی ثقافت اور نظریہ روز بروز پروان چڑھتا جارہا ہے۔ انہوں نے امت اسلامیہ کو خطاب کرتے ہوئے کہا کہ سب کو یہ معلوم ہونا چاہئے کہ سامراجی طاقتوں کی کوشش یہی ہے کہ جیسے بھی ہو قرآن اور پیغمبراسلام کی تعلیمات کو نابود کردیا جائے۔

تہران کے خطیب جمعہ نے بن سلمان کے ایران مخالف بیان کی مذمت کرتےہوئے کہا کہ اس وقت آل سعود کی حکومت ایک بے عقل اور بے دین ولیعہد کے ہاتھ میں ہے جو صیہونی حکومت کے ساتھ گٹھ جوڑ کرکے اس غاصب حکومت کے ساتھ اپنے تعلقات کو برملا کررہا ہے۔

پڑھا گیا 256 دفعہ

Leave a comment

شیعہ نسل کشی رپورٹ

Shia Genocide 2016

حلب میں داعش کو شکست

حلب شام میں داعش کو شکست فاش کی لمحہ بہ لمحہ خبریں

اسلام و پاکستان دشمن مفتی نعیم

Mufti Naeem

مقالہ جات

ریاست کے اندر ریاست یا ڈیپ اسٹیٹ کیا ہے ؟

ریاست کے اندر ریاست یا ڈیپ اسٹیٹ کیا ہے ؟

سیاست اور سماجیات دونوں سے تعلق رکھنے والی ایک ایسی اصطلاح ہے جوریاست پر غیر منتخب انتظامی کنٹرول کو بیان کرنے کے لئے استعمال کیا جاتا ہے ۔یہ ایک ایسا...

Follow

Facebook

ڈیلی موشن

سوشل میڈیا لنکس

ہم سے رابطہ

ایمیل: This email address is being protected from spambots. You need JavaScript enabled to view it.

ویبسائٹ http://www.shiitenews.org