تازہ ترین

ایرانی عوام چالیس سال سے امریکہ کا مقابلہ کر رہے ہیں

کیٹیگری ایران
Friday, 27 April 2018


آج تہران کی مرکزی نماز جمعہ مصلی امام خمینی میں حجت الاسلام و المسلمین محمد حسن ابوترابی فرد کی امامت میں ادا کی گئی جس میں ہزاروں کی تعداد میں نمازیوں نے شرکت کی۔
حجت الاسلام و المسلمین محمد حسن ابوترابی فرد نے نماز جمعہ کے خطبوں میں علاقے اور دنیا کے سیاسی حالات کا جائزہ لیا اور امریکی صدر کی جانب سے ایٹمی معاہدے کو سبوتاژ کرنے کی دھمکیوں پر تبصرہ کرتے ہوئے کہا کہ ایران کے عوام پچھلے چالیس برس سے تسلط پسند طاقتوں کے مد مقابل ڈٹے ہوئے ہیں۔
انہوں نے کہا کہ امریکہ سمیت تسلط پسند طاقتیں پچھلے چالیس برس سے پابندیوں، سیاسی حربوں اور جنگیں مسلط کرا کے، اسلامی جمہوریہ ایران کو نقصان پہنچانے کی کوشش کرتی رہی ہیں لیکن انہیں اپنے مقاصد میں ناکامی کا منہ دیکھنا پڑا ہے۔
حجت الاسلام و المسلمین محمد حسن ابوترابی فرد نے امریکی کانگریس میں فرانسیسی صدر کے حالیہ خطاب کا حوالہ دیتے ہوئے کہا کہ امریکیوں نے آج تک ایران کے عوام کو صحیح طور پر سمجھنے کی کوشش نہیں کی ہے لیکن انھیں پتہ ہونا چاہیے کہ ایرانی عوام نے منہ زور اور جارح طاقتوں کا ہمیشہ ڈٹ کر مقابلہ کیا ہے اور آئندہ بھی کریں گے۔
تہران کے خطیب جمعہ حجت الاسلام و المسلمین محمد حسن ابوترابی فرد نے کہا کہ امریکہ کے مخاصمانہ رویئے اور جامع ایٹمی معاہدے کے حوالے سے کی جانے والی بد عہدی کی وجہ سے ایرانی عوام اور حکام اس بات سے پوری طرح متفق ہیں کہ ایران کو شراکت داری کے لیے قابل اعتماد ملکوں کا انتخاب کرنا چاہیے۔
تہران کے خطیب جمعہ نے مغربی اور امریکی حکام کو مخاطب کرتے ہوئے کہا کہ تمہارے رویئے کو دیکھتے ہوئے ایران کے عوام اور حکام اس بات پر پوری طرح متفق ہیں کہ تسلط پسند طاقتوں اور خاص طور سے امریکہ پر ہرگز اعتماد نہیں کیا جا سکتا۔
حجت الاسلام و المسلمین محمد حسن ابوترابی فرد نے کہا کہ ہماری اسٹریٹیجی اسلام اور قرآنی تعلیمات سے ماخوذ ہے اور ہم اسی بنیاد پر ملک و قوم کو آگے کی سمت لے جا رہے ہیں۔
تہران کے خطیب جمعہ نے ملکی معیشت کو تیل کی آمدنی سے الگ کرنے کی ضرورت پر وزر دیتے ہوئے کہا کہ رہبر انقلاب اسلامی آیت اللہ العظمی سید علی خامنہ ای کی سفارشات کی روشنی میں معیشت کا تیل پر انحصار ختم اور آمدنی کے دوسرے ذرائع میں اضافہ کئے جانے کی ضرورت ہے۔
انہوں نے تیل کی قیمتوں کے تعین میں اثر انداز ہونے والے علاقائی اور عالمی سیاسی عوامل کی جانب اشارہ کرتے ہوئے کہا کہ اگر قومی معیشت اور بجٹ کو تیل کی آمدنی سے الگ کر دیا جائے تو ملکی معیشت کو عالمی منڈیوں میں آنے والے اتار چڑھاؤ کے اثرات سے بچایا جا سکتا ہے۔

پڑھا گیا 170 دفعہ

Leave a comment

شیعہ نسل کشی رپورٹ

Shia Genocide 2016

حلب میں داعش کو شکست

حلب شام میں داعش کو شکست فاش کی لمحہ بہ لمحہ خبریں

اسلام و پاکستان دشمن مفتی نعیم

Mufti Naeem

مقبوضہ کشمیر و فلسطین

مقالہ جات

""اے کون اے" ۔۔۔۔۔۔ تحریر وسعت اللہ خان""

""اے کون اے" ۔۔۔۔۔۔ تحریر وسعت اللہ خان""

راجہ صاحب محمود آباد کون تھے؟ بھارتی ریاست اتر پردیش کے دارلحکومت لکھنؤسے باون کیلومیٹر پرے ضلع سیتا پورکی ایک تحصیل محمود آباد ہے۔محمود آباد قص...

Follow

Facebook

ڈیلی موشن

سوشل میڈیا لنکس

ہم سے رابطہ

ایمیل: This email address is being protected from spambots. You need JavaScript enabled to view it.

ویبسائٹ http://www.shiitenews.org