سعودی جارحین کی ناکامی کی وجہ یمن کے عوام کا عزم

کیٹیگری یمن
Tuesday, 08 May 2018


یمن کے ایوان صدر پر سعودی جنگی طیاروں کے حملے میں جاں بحق ہونے والوں میں اسکولی بچے بھی شامل ہیں - اس حملے میں جاں بحق ہونے والوں کی تعداد چھے اور زخمیوں کی تعداد ساٹھ بتائی گئی ہے۔

یمن میں عوامی انقلابی تحریک انصاراللہ کے انفارمیشن سینٹر کی سائٹ نے خبردی ہے کہ یمن کے ایوان صدر پر سعودی جنگی طیاروں کے حملے میں شہید ہونے والوں کی تعداد بڑھ سکتی ہے۔

یمن کی عوامی تحریک انصاراللہ کے ایک رہنما توفیق الحمیری نے کہا کہ یمن کی اعلی انقلابی کمیٹی کے سربراہ محمد علی الحوثی اور اعلی سیاسی کونسل کے سربراہ مہدی المشاط خیریت ہیں اور اس حملے میں کوئی گزند نہیں پہنچی -

دوسری جانب سعودی امریکی جنگی طیاروں نے شمالی صوبے صعدہ کے شہر الصحن میں دو پیٹرول اسٹیشنوں پر بھی بمباری کی ہے جبکہ صوبہ مارب کے شہر صرواح کو چار بار اپنے حملوں کا نشانہ بنایا ہے۔ان حملوں میں ہونے والے ممکنہ جانی اور مالی نقصان کے بارے میں تاحال کوئی اطلاع موصول نہیں ہوئی ہے۔

یمن پر سعودی جارحیت کے جواب میں یمن کی فوج اور عوامی رضا کار فورسز نے اتوار کے روز زلزال ایک نامی بیلسٹیک میزائل سعودی عرب کے جنوبی علاقے جیزان پر داغا جس کے نتیجے میں درجنوں سعودی آلہ کار فوجی ہلاک و زخمی ہوئے ۔

اس سے قبل یمن کی فوج کے ترجمان شرف لقمان نے کہا تھا کہ جب تک یمن پر حملے ہوتے رہیں گے اور یمن کا محاصرہ جاری رہے گا تب تک جارحیت کرنے والوں کے خلاف حملے ہوتے رہیں گے۔

شرف لقمان نے امریکہ کو یمن ملک کی تباہی اور انسانی جانوں کے نقصان کا اصل ذمہ دار قرار دیتے ہوئے کہا کہ اگر امریکہ کی سیاسی اور فوجی حمایت نہ ہوتی تو اس کے علاقائی پٹھو، یمن کی جانب ایک گولی بھی چلانے کی جرائت نہ کرتے۔

انہوں نے واضح کیا کہ امریکی فوج کی علاقے میں موجودگی کو دیکھتے ہوئے جارحین کے خلاف جنگ میں یمنی فوج اور عوامی رضاکار فورس کے حوصلے اور بھی بلند ہوئے ہیں۔

یمنی فوج کے ترجمان نے کہا کہ اپنے ایجنٹوں کی ذلت آمیز شکست کے بعد امریکہ براہ راست جنگ پر اتر آیا ہے تاہم یمنی فوج اور عوامی رضاکار فورس کے جوان پوری قوت کے ساتھ وطن کا دفاع کر رہے ہیں اور بیرونی طاقتوں کو قدم جمانے کی اجازت نہیں دیں گے۔

یاد رہے کہ سعودی عرب نے امریکہ کی ایما پر چھبیس مارچ دو ہزار پندرہ سے یمن کو جارحیت کا نشانہ بنانے کے علاوہ مغربی ایشیا کے اس غریب اسلامی ملک کا زمینی، فضائی اور سمندری محاصرہ بھی کر رکھا ہے۔

سعودی حکومت کی جارحیت اور محاصرے کی وجہ سے ہزاروں کی تعداد میں عام شہری جن میں زیادہ تر خواتین اور بچے شامل ہیں، شہید ہو چکے ہیں۔

سعودی امریکی جارحیت میں یمن کی بنیادی شہری تنصیبات کو بری طرح نقصان پہنچا ہے جبکہ لاکھوں یمنی باشندوں کو اپنا گھر بار چھوڑنے پر مجبور ہونا پڑا ہے۔

پڑھا گیا 129 دفعہ

Leave a comment

شیعہ نسل کشی رپورٹ

Shia Genocide 2016

حلب میں داعش کو شکست

حلب شام میں داعش کو شکست فاش کی لمحہ بہ لمحہ خبریں

اسلام و پاکستان دشمن مفتی نعیم

Mufti Naeem

مقبوضہ کشمیر و فلسطین

فلسطینی عوام کا واپسی مارچ جاری رکھنے کا اعلان

فلسطینی عوام کا واپسی مارچ جاری رکھنے کا اعلان

فلسطین انفارمیشن سینٹر کے مطابق وزارت صحت کی جاری کردہ رپورٹ میں بتایا گیا ہے کہ اسرائیلی فوج کی وحشیانہ جارحیت میں شہید ہونے والوں میں تیرہ بچے بھی ش...

مقالہ جات

صدی کی سب سے بڑی ڈیل کیا ہے؟

صدی کی سب سے بڑی ڈیل کیا ہے؟

صدی کی سب سے بڑی ڈیل در حقیقت مسئلہ فلسطین کے حل کے لئے ایک نیا نقطہ نظرہے جسے امریکی صدر ٹرمپ نے پیش کیا ہے اور اس نقطہ نظر کو امریکی اتحادی عرب ممال...

Follow

Facebook

ڈیلی موشن

سوشل میڈیا لنکس

ہم سے رابطہ

ایمیل: This email address is being protected from spambots. You need JavaScript enabled to view it.

ویبسائٹ http://www.shiitenews.org