سعودی عرب اورمتحدہ عرب امارات کی جارحیت یمن کے موجودہ بحران اورمسائل کا بنیادی سبب ہے

کیٹیگری یمن
Monday, 11 June 2018


شیعیت نیوز: بین الاقوامی تعلقات کے ایک ایرانی ماہر اورپرسٹن یونیورسٹی کے اُستاد نے کہا ہے کہ سعودی عرب اورمتحدہ عرب امارات کی جارحیت یمن کے موجودہ بحران اورمسائل کا بنیادی سبب ہے۔

چین کی قومی نیوز چینل گلوبل نیٹورک کےساتھ انٹرویو میں ’’حسین موساویان‘‘نےکہاکہ سعودی عرب اورمتحدہ عرب امارات کی جارحیت یمن کے موجودہ بحران اورمسائل کا بنیادی سبب ہے۔

انہوں نے یمن کے سابق صدر علی عبداللہ صالح کی ہلاکت کے یمن کے امن عمل پر اثرات کے بارے میں کہاکہ سابق یمنی صدر یمن کی سیاست میں دوہرا رول اپنا رہے تھے ایک طرف انہوں نے حوثیوں کےساتھ مصنوعی اتحاد قائم کررکھا تھا جبکہ دوسری طرف پس پردہ سعودی عرب اورمتحدہ عرب امارات کےساتھ سازشی مذاکرات انجام دے رہے تھے۔

انہوں نے کہاکہ صالح کی ہلاکت کے بعد سعودی عرب کیلئے تحریک انصاراللہ کےساتھ مذاکرات کیلئے مناسب وقت ہے اقوام متحدہ کو یمن امن عمل میں اپنے کردار کو مزید واضح کرنے کی ضرورت ہے۔

انہوں نے کہاکہ پہلے مرحلے میں پورے یمن میں تمام اطراف کی طرف سے جنگ بندی ہونی چاہئے اوراس کے بعد تمام قبائل کے نمائندوں پر مشتمل حکومت قائم کی جانی چاہئے۔

یمن میں امن قائم کرنے میں اسلامی جمہوریہ ایران کے کردار کے بارے میں انہوں نے کہاکہ یمن سے متعلق اسلامی جمہوریہ ایران پر بے بنیاد الزامات عائد کئے جاتے رہے ہیں جبکہ سعودی عرب اورمتحدہ عرب امارات نے مضبوط ترین فوجی اتحاد قائم کرکے گذشتہ تین سالوں سے یمن پر حملے جاری رکھے ہیں۔

انہوں نے کہاکہ ہر کوئی یہ تسلیم کرتا ہے کہ اسلامی جمہوریہ ایران یمن جنگ میں کسی بھی طرح ملوث نہیں ہے۔

انہوں نے کہاکہ امریکہ اپنی طاقتورترین فوج کےساتھ یمن مخالف سعودی جنگی اتحاد کی ہمہ گیر حمایت کرتا رہا ہے۔

انہوں نے کہاکہ میرا ماننا ہے کہ امریکہ اور سعودی عرب اوران کے اتحادی اگر اسلامی جمہوریہ ایران پر یمن میں بلاواسطہ طورپر الزامات عائد کررہے ہیں میرا ان سے یہ مشورہ ہے کہ وہ یمن بحران کو حل کرنے کیلئے تہران کےساتھ فوری طور مذاکرات کریں۔

انہوں نے کہاکہ اسلامی جمہوریہ ایران ہمیشہ یمنی بحران کو حل کرنے اوراس ملک میں امن واستحکام کی بحالی کیلئے سعودی عرب اورمتحدہ عرب امارات کےساتھ مذاکرات پرآمادہ رہا ہےلیکن اس بات کا فیصلہ سعودی عرب کو کرنا ہے کہ وہ اسلامی جمہوریہ ایران کےساتھ مذاکرات چاہتا ہے کہ نہیں ۔

بحوالہ نیوزنور

پڑھا گیا 113 دفعہ

Leave a comment

شیعہ نسل کشی رپورٹ

Shia Genocide 2016

حلب میں داعش کو شکست

حلب شام میں داعش کو شکست فاش کی لمحہ بہ لمحہ خبریں

اسلام و پاکستان دشمن مفتی نعیم

Mufti Naeem

مقبوضہ کشمیر و فلسطین

فلسطین کے دو ریاستی حل پر مذاکراتی عمل کا انحصار سیاسی صورت حال سے وابستہ ہے

فلسطین کے دو ریاستی حل پر مذاکراتی عمل کا انحصار سیاسی صورت حال سے وابستہ ہے

غیرملکی خبررساں ادارے کے مطابق جرمن چانسلرانجیلا مرکل نےفلسطین کے صدر محمودعباس سے بات چیت میں کہا کہ فلسطینی مہاجرین کی امدادی ایجنسی کی سرگرمیاں بحا...

مقالہ جات

اربعین میں پیدل کربلا کی زیارت کا ثواب

اربعین میں پیدل کربلا کی زیارت کا ثواب

اربعین یا چالیس ایک ایسا عدد ہے جو بڑ ی خصوصیتوں کاحامل ہے مثلاً زیادہ ترانبیاء چالیس سال کی عمر میں مبعوث بہ رسالت ہوئے، موسیٰ (ع) اور خدا کی خصوصی م...

Follow

Facebook

ڈیلی موشن

سوشل میڈیا لنکس

ہم سے رابطہ

ایمیل: This email address is being protected from spambots. You need JavaScript enabled to view it.

ویبسائٹ http://www.shiitenews.org