فلسطینی اور یمنی بچوں کا قتل عام بند کیا جائے، ایران کا مطالبہ

Published in ایران
Tuesday, 10 July 2018


اقوام متحدہ میں اسلامی جمہوریہ ایران کے مستقل مندوب غلام علی خوشرو نے مستقبل میں تشدد کی روک تھام کے لئے بچوں کی حفاظت کے زیرعنواں منعقدہ سلامتی کونسل کے اجلاس سے خطاب کرتے ہوئے اقوام متحدہ سمیت پوری عالمی برادری پر زور دیا ہے کہ وہ فلسطین اور یمن میں بچوں کے قتل عام کو روکنے کے لئے اپنی ذمہ داریاں ادا کریں-

ایرانی مندوب نے کہا کہ مقبوضہ فلسطین میں صیہونیوں کے ہاتھوں معصوم بچوں کے قتل عام کا سلسلہ جاری ہے مگر بدقسمتی سے اقوام متحدہ کے سیکریٹری جنرل نے ابھی تک غاصب صیہونی حکومت کو بچوں کے حقوق کی خلاف ورزی کرنے والی حکومتوں کی فہرست میں شامل نہیں کیا ہے-

انہوں نے کہا کہ غزہ میں حالیہ فلسطینی مظاہروں میں صہیونی فوج نے ظلم کی انتہا کر دی اور پُرامن مظاہروں میں بچوں کی بھی شہادتیں ہوئیں- اقوام متحدہ میں ایران کے مندوب غلام علی خوشرو نے کہا کہ غاصب صہیونی حکومت دنیا میں بچوں کے قتل عام کے حوالے سے پہلے نمبر پر ہے لہذا اقوام متحدہ کے سیکریٹری جنرل کو چاہئے کہ آئندہ سال کی رپورٹ میں اس کا ذکر کریں اور اسرائیل کا نام بچوں کی قاتل حکومتوں کی فہرست میں شامل کریں۔

انہوں نے یمن میں سعودی عرب اور متحدہ عرب امارات کے وحشیانہ حملوں میں بچوں کے قتل عام پر افسوس کا اظہار کرتے ہوئے کہا کہ فلسطینی اور یمنی بچوں کی صورت حال ایک جیسی ہے، لہذا اقوام متحدہ اور پوری عالمی برادری کو چاہئے کہ ان مسائل کی روک تھام کے لئے اپنی ذمہ داریوں پر عمل کریں۔

ایران کے مستقل مندوب نے مسلحانہ جھڑپوں اور لڑائیوں میں بچوں کے قتل عام کے واقعات میں اضافے سے متعلق سکریٹری جنرل کی رپورٹ کا حوالہ دیتے ہوئے کہا کہ بچوں کے قتل عام کا یہ سلسلہ فوری طور پر بند ہونا چاہئے- ان کا کہنا تھا کہ اقوام متحدہ کو چاہئے کہ وہ فلسطین و یمن اور اسی طرح دنیا کے دیگر علاقوں میں بچوں کے قتل عام کو رکوانے کے تعلق سے اپنی ذمہ داریوں پر عمل کرے-

ایرانی مندوب نے اپنے خطاب میں کہا کہ اگر اس طرح کے واقعات کی روک تھام نہ کی گئی تو دنیا آگے چل کر وسیع پیمانے پر بچوں کے قتل عام کے نہ ختم ہونے والے سلسلے کا مشاہدہ کرے گی- انہوں نے زور دے کر کہا کہ جنگ و خونریزی سے بچنے اور مسلحانہ جھڑپوں اور لڑائیوں میں بچوں کے قتل عام کو رکوانے کی کوششیں ابھی سے تیز کرنی ہوں گی-

واضح رہے کہ سلامتی کونسل نے اپنے اجلاس کے اختتام پر مسلحانہ لڑائیوں میں بچوں کے حقوق کی پامالی کی روک تھام کے لئے ایک قرارداد بھی پاس کی-

Read 346 times

Leave a comment

شیعہ نسل کشی رپورٹ

Shia Genocide 2016

حلب میں داعش کو شکست

حلب شام میں داعش کو شکست فاش کی لمحہ بہ لمحہ خبریں

اسلام و پاکستان دشمن مفتی نعیم

Mufti Naeem

مقبوضہ کشمیر و فلسطین

اسرائیل کا مسجد اقصیٰ پردھاوا نمازیوں پرتشدد

اسرائیل کا مسجد اقصیٰ پردھاوا نمازیوں پرتشدد

مسجد اقصیٰ کی انتظامیہ کا کہنا ہے کہ اسرائیلی فورسز کے اہلکار مسجد کے تمام دروازے بند کرکے نمازیوں پر ٹوٹ پڑے اور ان پر تشدد کیا۔ اس دوران خاتون اور چ...

مقالہ جات

امریکا عراق میں ایک اور دہشتگرد گروپ کو تیار کرنے میں مصروف، اہم انکشاف

امریکا عراق میں ایک اور دہشتگرد گروپ کو تیار کرنے میں مصروف، اہم انکشاف

تحریر: علی احمدی مغربی ذرائع ابلاغ میں ایسی رپورٹس گردش کر رہی ہیں جن سے ظاہر ہوتا ہے کہ داعش سے وابستہ سینکڑوں تکفیری دہشت گرد عناصر کروڑوں ڈالر کے ہ...

Follow

Facebook

ڈیلی موشن

سوشل میڈیا لنکس

ہم سے رابطہ

ایمیل: This email address is being protected from spambots. You need JavaScript enabled to view it.

ویبسائٹ http://www.shiitenews.org