تازہ ترین

جوبھی طالبان کیخلاف بات کرے وہ انکے نشانے پر ہے

کیٹیگری پاکستان
Thursday, 12 July 2018


شیعیت نیوز:  پشاور میں ہونے والے خودکش حملے میں اے این پی کے رہنما ہارون بلور سمیت 20افراد کی شہادت نے سب کو غمگین کردیا ہے اور اس دھماکے نے انتخابات کے پر امن انعقاد پر بھی سوالیہ نشان اٹھادیے ہیں اور انتخابات میں شرکت کرنے والے دیگر امید واروں کی سیکورٹی کے حوالے سے بھی خدشات بڑھ گئے ہیں ۔سینئر تجزیہ کار رحیم اللہ یوسف زئی نے اس سانحے پر بات کرتے ہوئے کہا کہ میرے خیال میں اس واقعے میں سیکورٹی میں کہیں نہ کہیں کمی تھی ورنہ یہ واقعہ نہ ہوتا الیکشن کا موسم ہے اور سیکڑوں جلسے ہورہے ہیں امیدوار میدان میں ہیں تو یہ ممکن بھی نہیں ہے کہ پولیس اور دیگر ادارے ہر جگہ موجود ہوں لیکن جن کو زیادہ خطرات ہیں جیسے ہارون بلور تھے تو وہاں پر تو سیکورٹی ہونی چاہئے تھی منتظمین کے مطابق وہاں پر کوئی پولیس والا نہیں تھا کوئی سیکورٹی نہیں تھی اب دیکھنایہ ہے کہ کیا منتظمین نے پولیس کو اطلاع کردی تھی اور کیا ہارون بلور کی اپنی سیکورٹی مناسب تھی یہ کئی سوالات ہیں جن کا جواب آنا چاہئے ۔بلور خاندان اس لیے نشانہ ہے کہ اس کے افراد کھل کر دہشت گردوں کے خلاف بات کرتے ہیں بشیر بلور کے بارے میں یہ مشہور تھا کہ جب بھی پشاور یا آس پاس کوئی واقعہ ہوتا تھا تو وہ اور میاں افتخار حسین سب سے پہلے وہاں پہنچتے تھے اور عوام کی داد رسی کرتے تھے اور ہمت بندھاتے تھے اور دہشت گردوں کو معلوم تھا کہ یہ ان کے سب سے بڑے مخالف ہیں ان کی حکومت میں بھی دہشت گردوں کی مخالفت ان کی پالیسی کا اہم حصہ تھا وہ پاکستانی طالبان کے سب سے بڑے مخالف تھے اور یہ افغان حکومت کے بھی حامی تھے ان کی پالیسی کی وجہ سے اے این پی کو بڑی مشکل پیش آئی ان کی اور پی پی کی مخلوط حکومت نے سوات کے طالبان سے امن معاہدے بھی کیے تھے بعد میں انہوں نے فوجی کارروائی کی بھی کھل کر حمایت کی تھی یہی وجوہات ہیں جن کی وجہ سے اے این پی خاص ٹارگٹ تھی اس کے علاوہ پی پی کو بھی نشانہ بنایا گیا اور دیگر رہنماوٴں میں آفتاب شیرپاوٴ پر تین بار حملے ہوئے امیر مقام پر پانچ بار حملے ہوئے مولانا فضل الرحمان پر تین بار حملے ہوئے جو بھی طالبان کے خلاف بات کرتا ہے وہ ان کے نشانے پر ہے

پڑھا گیا 155 دفعہ

Leave a comment

شیعہ نسل کشی رپورٹ

Shia Genocide 2016

حلب میں داعش کو شکست

حلب شام میں داعش کو شکست فاش کی لمحہ بہ لمحہ خبریں

اسلام و پاکستان دشمن مفتی نعیم

Mufti Naeem

مقبوضہ کشمیر و فلسطین

مقالہ جات

داعش اینٹی پاکستان، اینٹی وفاق ، اینٹی آرمی،اینٹی شیعہ

داعش اینٹی پاکستان، اینٹی وفاق ، اینٹی آرمی،اینٹی شیعہ

حالیہ انتخابی مہم کے دوران ہونے والے دہشتگردانہ حملوں نے اس بات کو مزید تقویت دی ہے کہ دہشتگردی کا خطرہ ابھی پوری طرح ٹلا نہیں ہے ۔ایک اندازے کے مطابق...

Follow

Facebook

ڈیلی موشن

سوشل میڈیا لنکس

ہم سے رابطہ

ایمیل: This email address is being protected from spambots. You need JavaScript enabled to view it.

ویبسائٹ http://www.shiitenews.org