دشمن کی سازشوں کے مقابلے میں ہاتھ پر ہاتھ دھرے نہیں بیٹھے، جنرل باقری

کیٹیگری ایران
Wednesday, 12 September 2018


ایران کی مسلح افواج کے سربراہ نے عراقی کردستان میں دہشت گرد گروہوں کے بڑے سرغنوں کے اجلاس کے مقام پر سپاہ پاسداران انقلاب اسلامی کے میزائل حملے کی جانب اشارہ کرتے ہوئے یہ بات زور دے کر کہی ہے کہ ایران کی مسلح افواج دشمن کی سازشوں کے مقابلے میں ہاتھ پر ہاتھ دھرے نہیں بیٹھے گی۔

عراقی کردستان کے علاقے سے ایران کے سرحدی علاقوں پر دہشت گردوں کے حالیہ حملوں اور شرپسندی کے جواب میں سپاہ پاسداران انقلاب اسلامی نے ہفتہ آٹھ ستمبر کو ایک کامیاب کارروائی کرتے ہوئے جرائم پیشہ دہشت گرد گروہوں کے بڑے سرغنوں کے اجلاس اور تربیتی مرکز کو زمین سے زمین پر مار کرنے والے سات شارٹ رینج میزائلوں سے نشانہ بنایا تھا۔
ایران کی مسلح افواج کے سربراہ میجرجنرل محمد باقری نے منگل کے روز تہران کی امین پولیس اکیڈمی میں پاسنگ آؤٹ پریڈ سے خطاب کرتے ہوئے کہا کہ عراقی کردستان میں دہشت گردوں کے اہم ٹھکانے اور تربیتی مرکز پر کیا جانے والا حملہ ایران کی مسلح افواج کے انٹیلی جینس تسلط اور میزائل طاقت کا مظاہرہ تھا۔
میجرجنرل محمد باقری نے واضح کیا کہ اقوام متحدہ کے منشور کی بنیاد پر دشمن کے مقابلے میں اپنا دفاع کرنا ہر قوم اور ہر ملک کا فطری حق ہے اور ایران کسی صورت بھی اس کی اجازت نہیں دے گا کہ بدامنی اس کی سرحدوں کے اندر تک رسوخ کر جائے۔
ایران کی مسلح افواج کے کمانڈر نے دو ٹوک الفاظ میں کہا کہ اگر ایران کے خلاف دشمن کی سازشیں جاری رہیں تو ہم اپنے دفاع کے لیے کسی بھی جائز اقدام سے گریز نہیں کریں گے۔
دوسری جانب ایران کی وزارت خارجہ کے ترجمان بہرام قاسمی نے اپنے ایک بیان میں کہا ہے کہ تہران قومی سلامتی کے معاملے پر کسی کو کوئی رعایت نہیں دے گا اور دہشت گردوں کی ہر جارحیت کا منہ توڑ جواب دیا جائے گا۔
بہرام قاسمی کا کہنا تھا کہ یہ اقدام ایران کا انتخاب نہیں بلکہ دہشت گردوں نے ہمارے سرحدی محافظوں کو شہید کر کے مسلح افواج کو آئندہ ایسے اقدامات کی روک تھام کی غرض سے جوابی اقدامات پر مجبور کیا ہے۔
اس سے پہلے ایران کی سپاہ پاسداران نے جون دو ہزار سترہ میں تہران میں داعشی دہشت گردوں کے حملے کے فورا بعد شام کے شہر دیرالزور میں داعشی دہشت گردوں کے کمانڈ سینٹر کو میزائل حملوں کا نشانہ بنایا تھا جو دہشت گردی کے خلاف جنگ میں ایران کے عزم اور اس کی دفاعی طاقت کا مظاہرہ تھا۔

پڑھا گیا 306 دفعہ

Leave a comment

شیعہ نسل کشی رپورٹ

Shia Genocide 2016

حلب میں داعش کو شکست

حلب شام میں داعش کو شکست فاش کی لمحہ بہ لمحہ خبریں

اسلام و پاکستان دشمن مفتی نعیم

Mufti Naeem

مقبوضہ کشمیر و فلسطین

صیہونی حکومت کی جارحیت کے مقابلے میں تحریک مزاحمت کی کامیابی کا جشن

صیہونی حکومت کی جارحیت کے مقابلے میں تحریک مزاحمت کی کامیابی کا جشن

غاصب صیہونی حکومت اور فلسطین کی مزاحمتی قوتوں کے درمیان فائر بندی کے اعلان اور جھڑپوں کا سلسلہ بند ہو جانے پر غزہ اور غرب اردن میں فلسطینیوں نے تحریک ...

Follow

Facebook

ڈیلی موشن

سوشل میڈیا لنکس

ہم سے رابطہ

ایمیل: This email address is being protected from spambots. You need JavaScript enabled to view it.

ویبسائٹ http://www.shiitenews.org