تازہ ترین

سعودی ولیعہد کے دوروں کے خلاف احتجاجی مظاہرے

Published in سعودی عرب
Thursday, 29 November 2018


بحرین، تیونس، الجزائر، موریتانیا اور مصر میں سعودی ولیعہد محمد بن سلمان کے دوروں کے خلاف شدید احتجاجی مظاہرے جاری ہیں۔ ان مظاہروں میں شریک افراد نے محمد بن سلمان کی تصاویر نذر آتش کر کے اپنے غصے کا اظہار کیا ہے۔ ہونے والے مظاہرے عوامی سطح پر ان کے خلاف پھیلی شدید نفرت کو ظاہر کرتے ہیں۔

پیر 26 نومبر کو محمد بن سلمان تیونس پہنچے۔ اس دن تیونس کی تقریباً دس تنظیموں اور جماعتوں نے احتجاجی مظاہرے کی کال دے رکھی تھی جس کے نتیجے میں دارالحکومت میں بہت بڑا احتجاجی مظاہرہ منعقد ہوا۔ ان تنظیموں میں تیونسی صحافیوں کی قومی یونین اور انسانی حقوق کی تنظیمیں بھی شامل تھیں۔ مظاہرین نے اپنے ہاتھوں میں ایسے پوسٹر اٹھا رکھے تھے جن پر لکھا تھا: "بن سلمان جنگی مجرم ہے"، "یمنی بچوں کا قاتل"، "بن سلمان نو ویلکم"۔

دوسری طرف بحرین میں بھی انقلابی جوانوں نے محمد بن سلمان کے دورے کے خلاف شدید احتجاج کیا ہے۔ مظاہرین نے محمد بن سلمان کی تصاویر نذر آتش کرنے کے علاوہ حکمرانوں کی بھی شدید مذمت کی ہے۔ مظاہرین نے اعلان کیا کہ وہ یمنی بچوں کے قاتل کو اپنے ملک میں برداشت نہیں کر سکتے۔

الجزائر میں بھی مختلف سیاسی جماعتوں، تنظیموں اور شخصیات نے سعودی ولیعہد کے دورے کی مخالفت کا اظہار کیا ہے۔

المیادین نیوز چینل کے مطابق موریتانیا میں بھی شہزادہ محمد بن سلمان کے دورے کے خلاف شدید مظاہرے ہوئے ہیں۔ موریتانیا کی فلاح و بہبود پارٹی نے اعلان کیا ہے کہ محمد بن سلمان شام اور یمن میں قتل عام میں ملوث ہونے کے علاوہ فلسطین کاز کو نقصان پہنچانے میں بھی ملوث ہیں۔

مصر میں محمد بن سلمان کے دورے کے خلاف احتجاج کرنے والے مظاہرین نے سعودی ولیعہد کی جانب سے اسرائیل سے تعلقات بڑھانے پر ان کی شدید مذمت کی۔

یمن میں انقلابی تحریک انصاراللہ یمن نے مختلف عرب ممالک من جملہ تیونس، الجزائر، مصر اور موریتانیا کے عوام کا شکریہ ادا کیا اور ان کی قدردانی کرتے ہوئے ایک بیانی میں کہا کہ سعودی ولیعہد محمد بن سلمان کے دوروں کے خلاف سامنے آنے والا احتجاج اس حقیقت کو ظاہر کرتا ہے کہ وہ اپنی حکومتوں کی جانب سے سعودی پالیسیوں کا حصہ بننے کے خلاف ہیں۔

یاد رہے کہ سعودی صحافی جمال خاشقجی کے قتل کے بعد یہ ان کے پہلے غیرملکی دورے ہیں۔ ان کے حالیہ دوروں پر میزبان ممالک میں شدید عوامی احتجاج اور مظاہرے عوامی سطح پران کے خلاف پھیلی شدید نفرت کو ظاہر کرتے ہیں۔ اگرچہ متحدہ عرب امارات، بحرین، مصر اور تیونس کے حکمرانوں نے سعودی ولیعہد محمد بن سلمان کا استقبال کیا ہے لیکن عوام میں ان کے خلاف شدید نفرت دیکھنے میں آئی ہے۔

Read 215 times

Leave a comment

شیعہ نسل کشی رپورٹ

Shia Genocide 2016

حلب میں داعش کو شکست

حلب شام میں داعش کو شکست فاش کی لمحہ بہ لمحہ خبریں

اسلام و پاکستان دشمن مفتی نعیم

Mufti Naeem

مقبوضہ کشمیر و فلسطین

القدس میں قدیم قبرستان پر ہوٹل بنانے کا صہیونی منصوبہ

القدس میں قدیم قبرستان پر ہوٹل بنانے کا صہیونی منصوبہ

مقبوضہ بیت المقدس (مانیٹرنگ ڈیسک)فلسطین کے مقبوضہ بیت المقدس میں قائم ایک تاریخ اسلامی قبرستان کا وجود صہیونی غنڈہ گردی اور یہودیانے کی سازشوں کے باعث...

مقالہ جات

جب تک عربوں کا حاکم میرے اہل بیت سے ایک آدمی (مہدی) نہ بن جائے،دنیا ختم نہیں ہوگی،حدیث

جب تک عربوں کا حاکم میرے اہل بیت سے ایک آدمی (مہدی) نہ بن جائے،دنیا ختم نہیں ہوگی،حدیث

امام مہدی علیہ سلام کے حوالے سے اہلنست روایوں کی احادیثکیا امام مھدی کا ظہور احادیث صحیحہ سے ثابت ہے؟ نیز بعضے لوگوں کا کہنا ہے کہ محدثین اور فقھاء نے...

Follow

Facebook

ڈیلی موشن

سوشل میڈیا لنکس

ہم سے رابطہ

ایمیل: This email address is being protected from spambots. You need JavaScript enabled to view it.

ویبسائٹ http://www.shiitenews.org