امریکا نے ہمیشہ ایران سےشکست کھائی ہے، صدر روحانی

Published in ایران
Thursday, 07 February 2019


اسلامی جمہوریہ ایران کے صدر ڈاکٹر حسن روحانی نے اسلامی انقلاب کی کامیابی کی چالیسویں سالگرہ کی مناسبت سے تہران میں مقیم غیر ملکی سفرا اور نمائندہ دفاتر کے سربراہوں سے ملاقات میں خطاب کرتے ہوئے کہا کہ امریکی حکام بغاوت اور جنگ مسلط کراکے اور اسی طرح علاقے کی رجعت پسند حکومتوں کی مدد اور انہیں ہتیھار فراہم کرکے یہ سمجھ رہے تھے کہ وہ ایرانی عوام پر غلبہ پالیں گے لیکن اس پورے عرصے میں ایرانی عوام کے بارے میں امریکی حکام کے اندازے غلط ثابت ہوئے۔ انہوں نے کہا کہ ایرانی عوام نے اسلامی انقلاب کی کامیابی کے بعد کے برسوں میں ہمیشہ امریکی اور صیہونی سازشوں کا مقابلہ کیا اور ان پر فتح حاصل کی۔

صدر مملکت ڈاکٹر حسن روحانی نے کہا کہ امریکا نے ایرانی عوام میں مایوسی پھیلانے کی ہرممکن کوشش کی لیکن ایرانی قوم نے ہر دور سے زیادہ متحد ہوکر دشمنوں کو شکست دی۔ ان کا کہنا تھا کہ آج ایران اسلامی کا نعرہ یہ ہے کہ مغربی ایشیا اور دنیا کو ایٹمی اور عام تباہی پھیلانے والے ہھتیاروں نیز تشدد اور انتہا پسندی سے پاک کیا جائے۔

صدر روحانی نے کہا کہ اگر امریکا اپنا غلط راستہ چھوڑ دے اور اپنی گذشتہ مداخلتوں پر معافی مانگ لے تو ایران اس کی توبہ اور معافی کو قبول کرنے کو تیار ہے۔ انہوں نے کہا کہ عراق، شام، لبنان، یمن، افغانستان اور قطر جیسے جس ملک نے بھی مدد کی درخواست کی ایران نے اس کی مدد کی ہے۔

صدر روحانی نے کہا کہ ایران نے گذشتہ برسوں کے دوران اچھی طرح یہ ثابت کیا ہے کہ جب بھی وہ کوئی معاہدہ کرتا ہے تو اس پر مکمل طورپر عمل کرتا ہے۔ انہوں نے اپنے خطاب میں مسئلہ فلسطین کا ذکرکرتے ہوئے کہا کہ جب تک فلسطینی عوام اپنے وطن واپس نہیں لوٹ جاتے اس وقت تک اس تاریخی علاقے اورسرزمین فلسطین میں امن قائم نہیں ہوگا۔

اس پروگرام میں ایران کے وزیرخارجہ ڈاکٹر محمد جواد ظریف نے بھی تقریرکرتے ہوئے کہا کہ ایران دہشت گردی کے خلاف عراق اور شام کے عوام کی جنگ، جارح قوتوں کے خلاف یمنی عوام کے دفاع اور صیہونی حکومت کی سازشوں کے مقابلے میں فلسطینی عوام کی جدوجہد کے دوران ہمیشہ تاریخ کی صحیح سمت میں کھڑا رہا۔

وزیرخارجہ ڈاکٹر جواد ظریف نے کہا کہ تمام پابندیوں اور دباؤ کے باوجود ایران کے عوام نے چالیس سال کے دوران پوری سرفرازی اور ثابت قدمی کے ساتھ خود مختاری اور ترقی وپیشرفت کا راستہ طے کیا ہے اور اسی ثابت قدمی کے ساتھ اس راستے کو جاری رکھیں گے۔ ان کا کہنا تھا کہ آج ایران میں امن وسلامتی، ترقی و پیشرفت اور علم و سائنس سب کچھ موجود ہے۔

وزیرخارجہ ڈاکٹر جواد ظریف نے کہا کہ ایران دوست ملکوں کے ساتھ اپنے تعلقات کو زیادہ سے زیادہ فروغ دینا چـاہتا ہے۔

ایران میں متعین فلسطین کے سفیر صلاح الزواوی نے بھی اس پروگرام میں دیگر ملکوں کے سفیروں کی نمائندگی میں اپنی تقریر میں اسلامی ا نقلاب کی کامیابی کی چالیسویں سالگرہ کی آمد کی مناسبت سے ایرانی عوام کو مبارکباد پیش کی۔

Read 90 times

Leave a comment

شیعہ نسل کشی رپورٹ

Shia Genocide 2016

حلب میں داعش کو شکست

حلب شام میں داعش کو شکست فاش کی لمحہ بہ لمحہ خبریں

اسلام و پاکستان دشمن مفتی نعیم

Mufti Naeem

مقبوضہ کشمیر و فلسطین

اسرائیل کا مسجد اقصیٰ پردھاوا نمازیوں پرتشدد

اسرائیل کا مسجد اقصیٰ پردھاوا نمازیوں پرتشدد

مسجد اقصیٰ کی انتظامیہ کا کہنا ہے کہ اسرائیلی فورسز کے اہلکار مسجد کے تمام دروازے بند کرکے نمازیوں پر ٹوٹ پڑے اور ان پر تشدد کیا۔ اس دوران خاتون اور چ...

مقالہ جات

امریکا عراق میں ایک اور دہشتگرد گروپ کو تیار کرنے میں مصروف، اہم انکشاف

امریکا عراق میں ایک اور دہشتگرد گروپ کو تیار کرنے میں مصروف، اہم انکشاف

تحریر: علی احمدی مغربی ذرائع ابلاغ میں ایسی رپورٹس گردش کر رہی ہیں جن سے ظاہر ہوتا ہے کہ داعش سے وابستہ سینکڑوں تکفیری دہشت گرد عناصر کروڑوں ڈالر کے ہ...

Follow

Facebook

ڈیلی موشن

سوشل میڈیا لنکس

ہم سے رابطہ

ایمیل: This email address is being protected from spambots. You need JavaScript enabled to view it.

ویبسائٹ http://www.shiitenews.org