تازہ ترین

حلب میں تکفیری دہشت گرد عناصر کا کیمیائی حملہ

کیٹیگری مشرق وسطی
Tuesday, 27 November 2018 07:34

دو دن پہلے تکفیری دہشت گرد عناصر نے حلب کے مغربی حصے میں واقع چند علاقوں کو کیمیائی ہتھیاروں کے ذریعے حملوں کا نشانہ بنایا۔ ان حملوں میں زہریلی گیس کے حامل مارٹر گولے فائر کئے گئے۔ باخبر ذرائع کے مطابق یہ حملے حلب کے مغرب میں دہشت گردوں کے زیر کنٹرول علاقوں سے انجام پائے ہیں۔ ابتدائی رپورٹس کے مطابق ان حملوں میں زہریلی گیس سے متاثر ہونے والے شہریوں کی تعداد سو سے زائد بتائی گئی ہے۔ یہ حملے حلب کے مغربی علاقوں "خالدیہ"، "حمعیہ"، "الزہراء"، "الشہباء" اور "النیل" پر کئے گئے ہیں۔ اس سے پہلے روس کے انٹیلی جنس ذرائع کئی بار خبردار کر چکے تھے کہ شام میں سرگرم مغربی اور عرب ممالک کے حمایت یافتہ دہشت گرد عناصر کیمیائی ہتھیاروں سے لیس ہو چکے ہیں اور ان کی جانب سے کیمیائی حملوں کا خطرہ پایا جاتا ہے۔


دوسری طرف شام کی وزارت خارجہ نے اقوام متحدہ کے سیکرٹری جنرل، سلامتی کونسل کے صدر اور کیمیائی ہتھیاروں کی روک تھام کی عالمی تنظیم کے سیکرٹری جنرل کے نام خط ارسال کئے ہیں جس میں دہشت گرد عناصر کی جانب سے کیمیائی ہتھیاروں کے استعمال کو بعض ممالک مغربی اور علاقائی ممالک کی جانب سے انہیں کیمیائی مواد فراہم کرنے اور ان کی حمایت کرنے کا نتیجہ قرار دیا گیا ہے۔ خط میں مزید کہا گیا ہے کہ ان ممالک کی جانب سے دہشت گرد عناصر کو کیمیائی مواد کی فراہمی کا مقصد ماضی کی طرح اس سازش کو دہرانا تھا جس میں دہشت گردوں نے خود ہی کیمیائی ہتھیار استعمال کر کے اس کا الزام شام حکومت پر عائد کیا تھا۔ یاد رہے شام کے شہر خان یونس میں دہشت گردوں کے زیر کنٹرول علاقوں میں مشکوک کیمیائی حملہ انجام پایا تھا جس کا الزام شام حکومت پر عائد کیا گیا تھا اور اس کے بعد امریکی صدر ڈونلڈ ٹرمپ نے اس کا بہانہ بناتے ہوئے شام کے کئی فوجی ٹھکانوں کو میزائل حملوں کا نشانہ بھی بنا ڈالا تھا۔

دو روز پہلے حلب کے مغربی علاقوں میں تکفیری دہشت گرد عناصر کے کیمیائی حملے کے نتیجے میں سو سے زائد افراد متاثر ہوئے جنہیں فوجی طور پر الرازی اور حلب الجامعی اسپتالوں میں منتقل کیا گیا۔ باخبر ذرائع نے بتایا کہ حلب کے الموکامبو، السبیل، الفرقان اور جمیلیہ محلوں میں ایمرجنسی نافذ کر دی گئی اور تمام میڈیکل اسٹورز کھول دیئے گئے۔ ذرائع کے مطابق ان حملوں کی ذمہ داری تکفیری دہشت گرد گروہ ہیئت تحریر الشام پر عائد کی جا رہی ہے۔ یہ درحقیقت القاعدہ سے وابستہ النصرہ فرنٹ نامی گروہ ہے جس نے کچھ ماہ پہلے اپنا نام تبدیل کر کے نئے نام سے فعالیت شروع کر رکھی ہے۔ باخبر ذرائع کا کہنا ہے کہ اس حملے میں استعمال ہونے والا کیمیائی مواد کئی ماہ پہلے ترکی کی سرحد سے مغربی حلب منتقل کیا گیا تھا۔ اسی طرح ایسی رپورٹس بھی سامنے آئی ہیں جن سے ظاہر ہوتا ہے کہ دہشت گرد عناصر نے مارٹر گولوں میں زہریلی گیس شامل کرنے کیلئے فرانسیسی ماہرین سے مدد لی ہے۔ یہ فرانسیسی ماہرین کچھ دن پہلے ہی ترکی کی سرحد سے دہشت گردوں کے زیر کنٹرول علاقوں تک پہنچے ہیں۔

دہشت گردوں کے کیمیائی حملوں کے جواب میں شام آرمی اور روسی جنگی طیاروں نے حلب کے قریب دہشت گردوں کے زیر قبضہ علاقوں میں ان کے ٹھکانوں کو نشانہ بنایا ہے۔ یہ ٹھکانے لیرمون، بیانون، کفر حمرہ وغیرہ نامی محلوں میں واقع تھے۔ جوابی کاروائی میں دہشت گرد عناصر کے کئی فوجی اڈے، اسلحہ کے ذخائر اور فوجی سازوسامان تباہ ہوا ہے۔ اسی طرح بڑی تعداد میں دہشت گرد عناصر ہلاک اور زخمی بھی ہوئے ہیں۔ باخبر ذرائع کے مطابق دہشت گرد عناصر نے اس حملے کا الزام بھی شام آرمی پر عائد کیا ہے۔ اس وقت شام میں تکفیری دہشت گرد عناصر مسلسل شکست کے بعد شدید دباو کا شکار ہیں اور بہت جلد ان کا مکمل خاتمہ ہونے والا ہے۔ لہذا فوجی ماہرین کی نظر میں موجودہ کیمیائی حملہ شام حکومت پر دباو ڈالنے کی غرض سے انجام پایا ہے تاکہ اس طرح مستقبل قریب میں انجام پانے والے فوجی آپریشن کو ملتوی کیا جا سکے۔

شام کے صوبہ حلب اور حماہ پر میزائلوں سے حملہ

کیٹیگری مشرق وسطی
Monday, 30 April 2018 09:02

امریکہ ، اسرائيل اور برطانیہ نے شام کے صوبہ حلب اور حماہ پرکل رات میزائلوں سے حملہ کیا ہے جس کے نتیجے میں متعدد افراد شہید اور زخمی ہوگئے ہیں۔

ذرائع کے مطابق کل رات ساڑھے دس بجے امریکہ اور برطانیہ کے فوجی اڈوں سے شام پر 9 میزائل فائر کئے گئے ۔شام کی خبررساں ایجنسی سانا کے مطابق امریکہ اور برطانیہ شام میں اپنے پروردہ دہشت گردوں کی شکست کا بدلہ لے رہے ہیں ۔ شامی ٹی وی کے مطابق دشمن نے صوبہ حلب اور حماہ میں شام کے فوجی ٹھکانوں پر 9 میزائلوں سے حملہ کیا ہے۔ اسکائی نیوز کے مطابق میزائل حملوں میں کم سے کم 40 افراد شہید ہوگئے ہیں۔

حلب کے مضافاتی رہائشی علاقوں پر ترک فوج کی گولہ باری

کیٹیگری مشرق وسطی
Monday, 22 January 2018 12:48

شام کے صوبہ حلب کے عفرین علاقے میں قسطل جندو اور اس کے آس پاس کے دیہی علاقوں پر ترک فوج کے ٹینکوں اور توپخانوں نے گولہ باری کی ہے-

ترک فوج نے گذشتہ جمعے سے شام کے علاقے عفرین میں کرد ملیشیا وائی پی جی کے ٹھکانوں پر گولہ باری شروع کی ہے-

ترک فوج کی زمینی کارروائی بھی سنیچر سے شروع ہوئی ہے جس میں اب تک دس سے زا‏ئد عام شہری جاں بحق ہو چکے ہیں-

شام کے صدر بشار اسد نے ترکی کی فوجی جارحیت کے ردعمل میں کہا ہے کہ شام کے شہر عفرین پر ترکی کا حملہ انقرہ کی اسی پالیسی کی طرح ہے جو اس نے بحران شام کے آغاز میں دہشت گرد گروہوں کی حمایت کے لئے اپنائی تھی-

اس درمیان شامی حکومت کے مخالف گروہوں کے اتحاد نے ایک بیان جاری کر کے عفرین شہر پر ترکی کی فوجی جارحیت کی حمایت کی ہے-

ادھر روس کی وزارت دفاع نے ایک بیان جاری کر کے کہا ہے کہ شامی فوج نے مشرقی صوبے ادلب کو دہشت گرد گروہ جبہہ النصرہ کے عناصر سے پاک کرنے اور علاقے میں محصور دہشت گردوں کا صفایا کرنے کے لئے اپنی کارروائیاں شروع کر دی ہیں-

بیان میں کہا گیا ہے کہ اس وقت جو دہشت گرد ترک فوج کے محاصرے میں ہیں ان کی تعداد تقریبا پندرہ سو ہے-

روسی وزارت دفاع کے بیان میں کہا گیا ہے کہ شامی فوج نے اسی طرح ادلب کے ابوالظہور ہوائی اڈے کے شمال میں چھے کلومیٹر اندر تک پیشقدمی کرتے ہوئے چوبیس دیہی علاقوں کو دہشت گردوں کے قبضے سے آزاد کرا لیا ہے جبکہ فوج نے ہوائی اڈے پر اپنا کنٹرول حاصل کرتے ہوئے جبہہ النصرہ کے عناصر کو وہاں سے فرار کرنے پر مجبور کر دیا ہے-

دہشت گردوں کے مقابلے میں شامی فوج کی پیش قدمی چالیس دیہات آزاد

کیٹیگری مشرق وسطی
Monday, 15 January 2018 09:00

شامی فوج نے حلب کے جنوب میں دہشت گردوں کے کئی ٹھکانوں کو بھی تباہ کر دیا۔
رپورٹ کے مطابق شامی فوج نے حلب اور حماہ کے درمیان مسلح گروہوں کے رابطوں کو بھی منقطع کر دیا۔
ادھر ادلب میں شامی فوج نے جبہت النصرہ دہشت گرد گروہ کا حملہ پسپا کرتے ہوئے اس گروہ کو بھاری نقصان پہنچایا۔
دریں اثنا صوبے ریف دمشق کے علاقے بیت جن پر شامی فوج کا مکمل کنٹرول اور امن بحال ہو جانے کے بعد پانچ سو سے زائد شامی گھرانے اپنے گھروں کو واپس لوٹ گئے۔
اس سے قبل شامی فوج نے بیت جن پر کنٹرول حاصل کرنے کے بعد اس علاقے کے مختلف قصبوں اور دیہات سے بارودی سرنگوں اور دہشت گردوں کا صفایا کردیا تھا۔
ان علاقوں سے دہشت گردوں کا صفایا کئے جانے کے دوران بعض دہشت گردوں نے شامی فوج کے مقابلے میں تسلیم ہوتے ہوئے اپنے ہتھیار فوج کے حوالے کر دیئے۔

 

دمشق، حلب اور حماہ کے مضافات میں "النصرہ فرنٹ" کے خلاف آپریشن جاری

کیٹیگری مشرق وسطی
Saturday, 02 December 2017 08:56

شامی فوج اور داعش کے خلاف اتحادی افواج دمشق، حلب اور حماہ کے مضافات میں دہشت گردوں کے خلاف جامع آپریشن کا آغاز کردیا ہے جس میں دہشت گرد گروہوں کو بھاری نقصان اٹھانا پڑا ہے۔

رپورٹ کے مطابق شامی فوج اور عوامی رضاکار فورسز کی تازہ ترین کارروائی میں جنوب مشرقی حلب کے مضافات میں «عزیزیة، عبیسان، حجرات کبیرة، حجرات صغیرة اور الرشادیة» نامی علاقوں کو النصرہ فرنٹ نامی دہشت گرد گروہ سے مکمل طور ہر آزاد کرالیا ہے۔

واضح رہے کہ جنوب مشرقی حلب کے مضافات میں واقع ابوالظہور ہوائی اڈے پر النصرہ فرنٹ کا قبضہ ہے جبکہ شامی فوج اور عوامی رضا کار فورسز کے تازہ ترین آپریشن کا مقصد النصرہ فرنٹ کے زیرقبضہ علاقوں کو آزاد کرانا ہے۔

دوسری جانب حماہ میں شامی فوج اور دہشت گرد گرہوں کے درمیان شطیب نامی علاقے میں شدید جھڑپیں ہوئی ہیں، فوج کا کہنا ہے کہ النصرہ فرنٹ کے دہشت گرد اس علاقے میں آخری سانسیں لے رہے ہیں۔

تفصیلات کے مطابق شامی فوج نے اس علاقے میں ابواویس الحمصی اور جیسش النصر نامی دہشت گروہ کے سربراہ ابراهیم موسی الربیع سمیت متعدد خطرناک شرپسندوں کو ہلاک کردیا ہے۔

دمشق کے مضافات میں شامی فوج نے آپریشن کرکے البردعیہ کی پہاڑیوں کو بھی دہشت گردوں سے مکمل طور پر آزاد کرالیا ہے۔

حلب کی آزادی کے بعد خطے میں امریکہ اور سعودی عرب کے محاسبات شکست سے دوچار ہوگئے

کیٹیگری ایران
Friday, 11 August 2017 00:00

آیت اللہ العظمی خامنہ ای نے رواں ماہ مشہد مقدس کے دورے کے دوران بعض شہداء کے اہلخانہ سے ملاقات میں فرمایا: حلب کی آزادی کا معاملہ اتنا مہم تھا جس کے نتیجے میں شام اور علاقہ میں امریکہ اور سعودی عرب کے تمام منصوبے اور محاسبات 180 درجہ شکست سے دوچار ہوگئے ۔ رہبر معظم انقلاب اسلامی نے اس ملاقات میں فرمایا: شہداء کی یاد کو ہمیشہ زندہ رکھنا چاہیے اور کسی کو شہداء کی یاد فراموش کرنے کی اجازت نہیں دینی چاہیے کیونکہ شہداء کی قربانیوں کی بدولت آج ہم امن و سلامتی کے ساتھ زندگی بسر کررہے ہیں جبکہ ہمارے ہمسایہ ممالک میں دہشت گردی اور بد امنی پھیلی ہوئی ہے ۔

رہبر معظم انقلاب اسلامی نے مدافع حرم شہید محمد اسدی اور شہید جواد جہانی کے اہل خانہ کو مخاطب کرتے ہوئےفرمایا: شہداء اسلام کا کارنامہ درخشاں ہے انھوں نے شام کے شہر حلب کو دہشت گردوں سے آزاد کراکے امریکہ اور سعودی عرب وغیرہ کے تمام منصوبوں اور اندازوں پر پانی پھیر دیا اور حلب کی آزادی اتنی مہم تھی کہ خطے میں امریکہ اور سعودی عرب کے تمام محاسبات شکست اور ناکامی سے دوچار ہوگئے۔

شامی جنگی طیاروں کی بمباری میں دسیوں داعشی دہشت گرد واصل جہنم

کیٹیگری مشرق وسطی
Thursday, 15 June 2017 00:00

شامی فوجیوں اور قبائلی فورسس نے بدھ کو صوبہ رقہ کے الطبقہ شہر کے مضافات میں ابوسوسہ اور الصریب دیہاتوں کو داعش کے قبضے سے آزاد کرا لیا۔
ان دونوں دیہاتوں کی آزادی کے بعد اس علاقے کی تیل پائپ لائن شامی فوج کے کنٹرول میں آگئی ہے۔
اس کے ساتھ ہی شامی فوج نے مغربی شہر رقہ میں بھی پیشقدمی کرتے ہوئے سحیل دیہات کو کنٹرول میں لے لیا ہے۔
شامی فوجی صوبہ حلب کے جنوب مشرق سے صوبہ رقہ کے مغربی علاقوں میں داخل ہوگئے اور داعش دہشت گردوں کے قبضے سے کئی دیہات اور ایک آئل پمپینگ اسٹیشن کو آزاد کرا لیا۔ ادھر شام کے بعض ذرائع ابلاغ نے مشرقی حماہ میں داعش اور شامی فوج کے درمیان گھمسان کی جنگ کی خبر دی ہے۔

حلب میں شامی فوج کی پیشقدمی، اب تک تقریبا تین ہزار داعش دہشت گرد ہلاک

کیٹیگری مشرق وسطی
Friday, 26 May 2017 00:00

صوبہ حلب میں دہشت گردوں کے خلاف جنگ میں اٹھائیس سے زیادہ شہروں اور دیہاتوں کو آزاد کرایا جا چکا ہے-

شامی فوج نے مشرقی حلب میں واقع الجراح فوجی اڈے کو بھی دہشت گردوں کے قبضے سے اپنے کنٹرول میں لینے کی خبر دی ہے-

صوبہ حلب میں دہشت گردوں کے خلاف کارروائی میں عراقی، تیونسی، سعودی اور مصری شہریت رکھنے والے کئی دہشت گردوں کو بھی ہلاک کر دیا گیا-

درایں اثنا شام سے ملنے والی رپورٹوں میں بتایا گیا ہے کہ شمالی شام کے رقہ صوبے میں امریکی جنگی طیاروں کے حملوں میں کم سے کم اٹھارہ عام شہری جاں بحق ہو گئے-

حلب میں فوعہ و کفریا حملوں کے خلاف عوامی مظاہرے

کیٹیگری مشرق وسطی
Monday, 17 April 2017 00:00

شیعت نیوز(حلب)مظاہروں کے شرکاء نے دہشت گردی کے خلاف جنگ اور آزادی کے دعویداروں نیز انسانی حقوق کے اداروں اور عالمی برادری کی خاموشی کی مذمت کی-

حلب کے ایک شہری نے کہا کہ شام کے عوام باہمی اتحاد و یکجہتی سے دہشت گردوں کے مقابلے میں کامیاب ہو جائیں گے اور انھیں فوج پر پورا بھروسہ ہے تاہم دہشت گردوں کو جان لینا چاہئے کہ وہ چاہے جتنی بھی سازش کرلیں، کامیابی بہرحال ملت شام کی ہو گی-

سنیچر کی شام حلب کے الراشدین علاقے میں الفوعہ اور کفریا کے عوام کی بسوں کے راستے میں ہونے والے دھماکے میں کم سے کم ایک سو چھبّیس افراد ہلاک اور دو سو چوبیس زخمی ہو گئے تھے جن میں زیادہ تر بچے اور عورتیں تھیں-

امریکہ نے حلب کے قریب نمازیوں پر بمباری کا اعتراف کرلیا

کیٹیگری مشرق وسطی
Friday, 17 March 2017 00:00

امریکہ نے شام کے شمال مغرب میں حلب کے قریب مسجد میں نمازیوں پر بمباری کی ذمہ داری قبول کرلی ہے امریکہ کو مسلم ممالک میں عدم استحکام پیدا کرنے اور مسلمانوں کے قتل عام کے سلسلے میں سعودی عرب کا تعاون حاصل ہے۔ سعودی عرب خود بھی یمن میں مسلمانوں کے خلاف بھیانک جرائم کا ارتکاب کررہا ہے اطلاعات کے مطابق امریکی جنگی طیاروں نے حلب کے قریب الجنۃ گاؤں میں ایک مسجد پر بمباری کی جس کے نتیجے میں 42 افراد ہلاک اور درجنوں زخمی ہوگئے ہیں

Page 1 of 13

شیعہ نسل کشی رپورٹ

Shia Genocide 2016

حلب میں داعش کو شکست

حلب شام میں داعش کو شکست فاش کی لمحہ بہ لمحہ خبریں

اسلام و پاکستان دشمن مفتی نعیم

Mufti Naeem

مقبوضہ کشمیر و فلسطین

صییہونی فوجیوں کی بربریت ایک اور فلسطینی نوجوان شہید

صییہونی فوجیوں کی بربریت ایک اور فلسطینی نوجوان شہید

صیہونی فوجیوں نے غرب اردن کے شہر الخلیل میں ایک ستائیس سالہ نوجوان عمر حسن العواودہ کوگولی مارکر شہید کردیا ہے۔صیہونی فوجیوں نے دعوی کیا ہے کہ اس فلسط...

مقالہ جات

سویڈن میں یمن امن مذاکرات

سویڈن میں یمن امن مذاکرات

یمن کیلئے اقوام متحدہ کے خصوصی نمائندے مارٹین گریفتھس نے یمن جنگ کے فریقین کے مابین امن مذاکرات کیلئے اس بار سویڈن کے دارالحکومت اسٹاک ہوم میں نئی کوش...

Follow

Facebook

ڈیلی موشن

سوشل میڈیا لنکس

ہم سے رابطہ

ایمیل: This email address is being protected from spambots. You need JavaScript enabled to view it.

ویبسائٹ http://www.shiitenews.org