عراق

عراق:ایک کروڑ عزداران امام موسیٰ کاظم (ع)کا اجتماع

Kazmain_mourningعراق کے شہر کاظمین میں 25رجب المرجب شہادت امام موسیٰ کاظم علیہ السلام کی مناسبت پر حرم امام موسیٰ کاظم علیہ السلام میں دنیا بھر سے ایک کروڑ سے زائد عزداران امام موسیٰ کاظم علیہ السلام کی حاضری، جبکہ عزداری کے روح پرور اجتماعات سے پورا شہر سوگ میں ڈوبا رہا۔
شیعت نیوز کی رپورٹننگ ڈیسک کے مطابق  عراق کے شہر کاظمین میں شہادت فرزند پیغمبر اکرم صلی اللہ علیہ والہ وسلم حضرت امام موسیٰ کاظم علیہ السلام کی مناسبت پردنیا بھر سے ایک کروڑ سے زائد عزاداران امام موسٰی کاظم علیہ السلام نے حاضری دی اور پیغمبر اکرم صلی اللہ علیہ والہ سلم اور شہزادیئ کونین جناب فاطمۃ الزہرا(س)کے فرزند اور محبان اہل بیت (ع)کے ساتویں امام ،حضرت امام موسیٰ کاظم علیہ السلام کی شہادت پر عزداری برپا کی ۔
روضہ مبارک کی انتظامیہ کے سیکریٹری جنرل الحاج فاضل الامباری کاکہنا ہے کہ اس سال شہادت امام موسیٰ کاظم علیہ السلام کی مناسبت سے زائرین کی ریکارڈ تعداد حرم امام موسیٰ کاظم علیہ السلام میں موجود ہے ،ان کاکہنا تھا کہ موجودہ تعداد گذشتہ برسوں سے کئی گنا زیادہ ہے،ان کاکہنا تھا کہ ہم نے اندازہ لگایا ہے کہ زائرین کی حرم اما م موسیٰ کاظم علیہ السلام میں موجودہ تعداد 5.5ملین ہے جبکہ حرم امام (ع)کے اطراف میں اس سے بھی کہیں زیادہ تعداد میں عزداران امام موسیٰ کاظم علیہ السلام موجود ہیں۔
الامباری کا کہنا تھا کہ زائرین کی خدمت گزاری اور رہنمائی کے لئے خادمین کے 1600 گروپس خدمت گزاری میں مصروف عمل ہیں ،واضح رہے کہ کئی لوکل اور انٹرنیشنل ٹی وی چینلز نے حرم اما موسیٰ کاظم علیہ السلام ں عزاداری کے پروگرامات کو براہ راست نشر بھی کیا ہے۔

متعلقہ مضامین

Back to top button
Close