ایران

ایران:واشنگٹن مذاکرات فلسطین کے ساتھ خیانت ہے

ahmed_Khatmiتہران کے خطیب نماز جمعہ آیت اللہ سید احمد خاتمی نے کہاکہ بانی انقلاب اسلامی حضرت امام خمینی رح نے رمضان المبارک کے آخری جمعے کے دن کو یوم القدس کا نام دے کر مسئلہ فلسطین کا زندہ کردیا ہے۔
شیعت نیوز کے نماءندے کی رپورٹ کے مطابق تہران کے خطیب جمعہ سید احمد خاتمی نے آج نماز جمعہ کے خطبوں میں لاکھوں نمازیوں سے خطاب کرتے ہوۓ کہا کہ عالمی یوم القدس نے صیہونی حکومت کے ان تمام اندازوں کو نقش برآب کردیا ہے جو انہوں نے فلسطینی سرزمین پر قبضہ کر کے  قائم کر لۓ تھے۔ آیت اللہ سید احمد خاتمی نے واشنگٹن میں ہونے والے سازباز مذاکرات کی جانب اشارہ کرتے ہوۓ ان مذاکرات کو ملت فلسطین کے ساتھ خیانت سے تعبیر کیا اور کہاکہ سازباز مذاکرات کا کوئي جواز نہیں ہے اور یہ مذاکرات جرم ہیں۔
خطیب نماز جمعہ نے سازباز مذاکرات کی ناکامی کی جانب اشارہ کیا اور کہاکہ سروے کے مطابق فلسطین کے بانوے فیصد لوگ سازباز مذاکرات کے خلاف ہیں۔ آیت اللہ سید احمد خاتمی نے صیہونی حکومت کی جارحیت کے مقابلے میں ملت فلسطین کی بائيس روزہ استقامت کو عظمت اسلام کی دلیل قرار دیا اور کہا کہ فلسطینی عوام کی استقامت نے صیہونی دشمن کو ذلیل و رسوا کردیا ہے۔ خطیب نماز جمعہ نے پاکستان میں آنے والے سیلاب کی جانب بھی اشارہ کیا اور کہا کہ پاکستان میں آنے والا سیلاب اس صدی کا سب سے زیادہ المناک واقعہ ہے اور اسلامی دنیا کو پاکستانی عوام کی مدد کرنی چاہۓ

متعلقہ مضامین

Back to top button
Close