کاپی رائٹ کی وجہ سے آپ یہ مواد کاپی نہیں کر سکتے۔
پاکستان

کوئٹہ میں شیعہ عمائدین کی ٹارگٹ کلنگ ،ملت جعفریہ کا سندھ بھر میں احتجاج

 

shiite_protest_sindh-300x223ملت جعفریہ نے آج کوئٹہ میں ہونے والی دہشت گردی کے واقعہ میں معروف شیعہ رہنما کے فرزند ارشد زیدی سمیت دس افراد کی شہادت پر حکومت کی نااہلی کے خلاف شدید احتجاج کیا ،شیعت نیوز کے نمائندے کی رپورٹ کے مطابق آج سندھ بھر میں بشمول کراچی،حیدرآباد،لاڑکانہ،سکھر،خیرپور،دادو،سیہون،میر پور خاص،شکار پور سمیت دیگر شہروں اور دیہاتوں میں بعد نماز جمعہ احتجاجی مظاہرے اور دھرنے دئیے گئے ،جبکہ نماز جمعہ کے خطبات میں علمائے کرام نے کوئٹہ میں پے  در پے دہشت گردی کے واقعات میں شہید ہونے والے شیعہ عمائدین کے لئے دعا فرمائی اور دہشت گردوں کی شدید الفاظ میں مذمت کرتے ہوئے کہا کہ حکومت اور نااہل انتظامیہ گذشتہ کئی سال سے جاری ملت جعفریہ کی نسل کشی کو بند کرانے میں ناکام ہو گئی ہے ۔علمائے کرام کا کہنا تھا کہ حکومت فی الفور دہشت گردوں کے خلاف کاروائی عمل میں لائے اور کوئٹہ میں ملت جعفریہ کو تحفظ فراہم کرے ۔
کراچی میں بعد نماز جمعہ مختلف علاقوں میں مساجد کے باہر شیعان حیدر کرار نے کوئٹہ میں ارشد زیدی سمیت دس افراد کی مظلومانہ شہادت کی مذمت کرتے ہوئے احتجاج کیا مظاہرین نے ہاتھوںمیں پلے کارڈز ارو بینرز اٹھا رکھے تھے جن پر دہشت گردی نامنظور،فرقہ واریت نا منظور،تم کس کس کو مرواؤ گے یہ ساری قوم حسینی ہے،یہ کس کا لہو یہ کون مرا ۔۔بدمعاش حکومت بول ذرا اور امریکہ مردہ باد سمیت اسرائیل نامنظور کے نعرے درج تھے۔مظاہرین نے حکومت سے مطالبہ کیا کہ دہشت گردوں کو لگام دی جائے اور ان کے خلاف موثئر کاروائی عمل میں لائی جائے۔
جعفریہ الائنس پاکستان کے سربراہ علامہ عباس کمیلی نے شیعت نیوز کے نمائندے سے گفتگو کرتے ہوئے کہا کہ آج کوئٹہ میں ہونے والی دہشت گردی کی کاروائی کی شدید الفاظ میں مذمت کرتے ہیں اور حکومت سے مطالبہ کرتے ہیں کہ دہشت گردوں کے خلاف آپریشن کیا جائے انہوں نے صدر آصف علی زرداری ،وزیر اعظم گیلانی اور افواج پاکستان کے چیف جنرل کیانی سے مطالبہ کیا کہ بلوچستان میں کالعدم دہشت گرد تنظیموں بشمول سپاہ صحابہ اور طالبان دہشت گردوں کے خلاف آپریشن شروع کیا جائے اور بلوچستان کی سر زمین کو دہشت گردوں سے نجات دلائی جائے تا کہ عوام کا تحفظ بھی یقینی بنایا جائے۔

 

Show More

متعلقہ مضامین

Back to top button
Close