پاکستان

سرگودھا : نمازیوں پر خود کش حملہ سانحہ داتا دربار کا تسلسل ہے۔

Allama_Raja_Nasir_Abbasمجلس وحدت مسلمین پاکستان کے مرکزی سیکرٹری جنرل علامہ ناصر عباس جعفری نے سرگودھا امام بارگاہ میں ہونے والے خود کش دھماکے کی مذمت کرتے ہوئے کہا کہ یہ واقع سانحہ داتا دربار کا تسلسل ہے جبکہ صوبائی حکومت کی ناکامی کا منہ بولتا ثبوت ہے۔
شیعت نیوز کے نمائندے کی رپورٹ کے مطابق یہ بات انہوں نے اسلام آباد میں یکم اگست کو ہونے والے وحدت ملت کنونشن کے انتظامی کمیٹیوں  کے اجلاس سے گفتگو کرتے ہوئے کہی۔ انہوں نے کہا کہ ایک خاص مکتب فکرسے تعلق رکھنے والا گروہ اس واقع میں ملوث ہے جنہوں نے پہلے داتا دربار پر حملہ کیا تھا اور کل انہوں نے سرگودھا میں نمازیوں پر خودکش حملہ کیا۔
ان کا کہنا تھا کہ صوبائی حکومت اس دہشت گرد گروہ کو کھل کر سپورٹ کررہی ہے اور یہی وجہ ہے کہ سانحہ داتا دربارکے بعد سنی اتحاد کونسل کی طرف سے پیش کئے جانے والے مطالبات تاحال پورے نہیں ہوئے اور افسوس کا مقام تو یہ ہے کہ کل کسی اہم حکومتی شخصیت نے اس واقع کی مذمت تک نہیں کی۔
انہوں نے کہا کہ ہماری ایجنسیاں دہشت گردی کے واقعات کی نشاندہی اور اس کی روک تھام کرنے میں ناکام دکھائی دے رہی ہیںجبکہ حکومت دہشت گردی کا قلع قمع کرنے کی بجائے صرف بیان بازی پر اکتفاء کررہی ہے۔ اجلا س میں مرکزی ڈپٹی سیکرٹری جنرل علامہ محمد امین شہیدی، مولاناشیخ اعجاز حسین بہشتی ، مولاناعابد حسین بہشتی، نثار فیضی ، اسلام آبا د کے آرگنائزر نوید شاہ اور دیگر اہم ممبران شامل تھے۔

متعلقہ مضامین

Back to top button
Close