پاکستان

شہید قائد (رح)کی بائیسویں برسی، ملک بھر میں سیمینارز اور مجالس کا انعقاد

Shaheed_Quaidملک بھر میں ملت جعفریہ پاکستان کے عظیم اور محبوب قائد ،فرزند امام خمینی (ر)شہید قائد علامہ عارف حسین الحسینی (رح)کی بائیسویں برسی انتہائی عقیدت و احترام سے منائی جا رہی ہے۔
شیعت نیوز کے نمائندے کی رپورٹ کے مطابق پاکستان بھر میں ،پاراچنار، کرم ایجنسی، کوہاٹ، ہنگو، پشاور، اسلام آباد، راولپنڈی، جہلم، سرگودھا، لاہور، گوجرانوالہ، سیالکوٹ، فیصل آباد، جھنگ، ملتان، بہاولپور، رحیم یار خان، صادق آباد، سکھر، شکار پور، لاڑکانہ، جیکب آباد، سہیون، دادو، نواب شاہ، خیر پور، حیدر آباد، کوئٹہ، سمیت کراچی اور ملک کے مختلف چھوٹے بڑے مقامات پر فرزند رہبر کبیر امام خمینی (ر)اور ملت جعفریہ کے محبوب اور عظیم قائد شہید علامہ عارف حسین الحسینی (رح)کی بائیسویں برسی کی یاد میں پیروان شہید قائد علامہ عارف حسینی(رح)کی جانب سے مجالس ترحیم اور سیمینارز کا انعقاد کیا جا رہا ہے ،جبکہ ملک بھر میں لاکھوں پیروان قائد شہید 5اگست روز شہادت قائد شہید کی مناسبت سے اپنے ہر دل عزیز ارو محبوب ترین قائد علامہ عارف حسین الحسینی (رح)شہید سے تجدید عہد وفا کر رہے ہیں ۔
واضح رہے کہ قائد شہید علامہ عارف حسین الحسینی(رح)کو 5اگست 1988ء کی صبح نماز فجر سے قبل ملک دشمن و اسلام دشمن عناصر ناصبی دہشت گردوں نے وضو کی حالت میں شہید کر دیا تھا،تاہم شیعیان پاکستان اپنے محبوب قائد کی یاد میں ہر سال 5اگست کو ملک بھر میں مجالس اور سیمینارز کا انعقاد کرتے ہیں اور افکار قائد شہید کو زندہ رکھنے کے لئے مصروف عمل رہتے ہیں،یہ بات بھی قابل ذکر ہے کہ اگرچہ قائد ملت جعفریہ پاکستان شہید قائد علامہ عارف حسینی(رح)کو ہم سے بچھڑے بائیس سال گذر چکے ہیں تاہم قائد شہید آج بھی ملت جعفریہ پاکستان کے بچے بچے ،جوان،بوڑھوں اور ماؤں بہنوں کے دلوں میں تاحیات زندہ ہیں اور ملت کو جلا بخش رہے ہیں۔

متعلقہ مضامین

Back to top button
Close