ایران

عالمی امن کے لئے ایٹمی معاہدے کی اہمیت پر تاکید

ایران کی نائب صدر اور محکمہ ماحولیات کی سربراہ نے ایٹمی معاہدے کو عالمی امن کے حصول کے لئے ایک بڑی کامیابی قرار دیا ہے۔

ایران کی نائب صدر اور محکمہ ماحولیات کی سربراہ معصومہ ابتکار نے جمعرات کی رات ایران کے جنوبی شہر شیراز میں عالمی امن کانفرنس سے خطاب کرتے ہوئے کہا کہ جوہری مذاکرات، پیچیدہ ہونے کے باوجود فریقین کے مفادات کو تحفظ فراہم کرنے میں موثر واقع ہوئے اور وسیع اختلافات کے باوجود ایٹمی معاہدہ ایک کامیاب نمونہ ثابت ہوا۔

ایران کی نائب صدر اور محکمہ ماحولیات کی سربراہ نے ایران کی سرحدوں میں دہشت گرد گروہوں منجملہ داعش کے داخل ہونے کی کوششوں کی طرف اشارہ کرتے ہوئے کہا کہ اسلامی جمہوریہ ایران، انتہا پسندی اور دہشت گردی کے مقابلے میں ڈٹا ہوا ہے اور تہران نے ایران سمیت پورے علاقے کی سلامتی کے لئے پیدا ہونے والے کسی بھی قسم کے خطرے کے مقابلے میں اتحاد و یکجہتی کے لئے اپنی کسی کوشش سے دریغ نہیں کیا ہے۔

ٹیگز

متعلقہ مضامین

Back to top button
Close