پاکستان

گلگت سے گوادر تک عوام پاک افواج کے شانہ بشانہ وطن پر جان نثار کرنے کے لئے تیار ہے،رکن پنجاب اسمبلی سیدہ زہرا نقوی

شیعیت نیوز: بھارتی جارحیت کے خلاف پاکستانی عوام پاک افواج کے شانہ بشانہ کھڑی ہے، پاک فوج نے بھارتی جنگی جنون قابل فخر جواب دیکر پوری قوم کاسر فخرسے بلند کردیاہے،گلگت سے گوادر تک عوام پاک افواج کے شانہ بشانہ وطن پر جان نثار کرنے کے لئے تیار ہے ۔بھارتی بزدلانہ وار پاکستان کو اشتعال دلانے کی کوشش ہے ، ہندوستانی حکومت اسلحے کے انبار پر بیٹھ کر خوش فہمی میں مبتلا ہے، ہندوستانی سیاست میں جنگی نعروں کا رواج خطے کے امن کے لئے شدید خطرہ بن چکے ہیں، پاک بھارت کشیدگی کے دوران او آئی سی کا کردار شرمناک ہے ،ان خیالات کا اظہارمجلس وحدت مسلمین پاکستان شعبہ خواتین کی سیکرٹری جنرل و ممبر صوبائی اسمبلی پنجاب سیدہ زہرا نقوی نے ملتان میں سیدہ فاطمہ زہرا سیرت کانفرنس اور بعدازاں ایم ڈبلیو ایم کے رہنمائوں سے ملاقات میں کیا ۔

انہوںنے کہاکہ بھارت کس حیثیت میں او آئی سی اجلاس میں شرکت کر رہا ہے ؟ پاکستانی حکومت او آئی سی ممالک سے فوری رابطہ کرئے، اگر او آئی سی معاملات کو درست نہیں کر سکتی تو خراب کرنے سے باز رہے ، ہندوستانی حملے کو عالمی قوتیں سنجیدگی سے دیکھے، ہندوستان خطے میں جنگ کی آگ کو بھڑکا رہا ہے بھارتی اشتعال انگیزی کے خلاف تمام سیاسی قوتوں کو متحد ہونا ہو گا،اس موقع پر صوبائی سیکرٹری جنرل علامہ اقتدار حسین نقوی، سلیم عباس صدیقی، مہر سخاوت علی اور دیگر رہنما موجود تھے۔ سیدہ زہرا نقوی نے مزید کہا کہ مودی سرکار ہوش کے ناخن لے الیکشن جیتنے کیلئے خطے کے امن کو تباہ نہ کرے، پاکستان ایک پُرامن ملک ہے ، دہشتگردی کا سب سے زیادہ نقصان پاکستان کو ہوا، ستر ہزار پاکستانی دہشتگردی کا شکار ہوئے لیکن پاکستان نے ہمیشہ امن کو ترجیح دی، پاکستان نے ہمیشہ دوستی کا ہاتھ بڑھا یا اور صلح کا پیغام دیا مگر دوسری طرف ہندوستان ہٹ دھرمی کا شکار ہے، پاکستان کا ہر بچہ ملک کے دفاع کے لیے پاک فوج کے شانہ بشانہ کھڑا ہے، وطن کا دفاع ہمارے لیے عزت، وقار اور کسی سعادت سے کم نہیں ہے۔

ٹیگز
Show More

متعلقہ مضامین

Back to top button
Close