پاکستان

مقبوضہ کشمیر میں بھارتی مظالم جلتی پر تیل کا کام کر ر ہے ہیں، کور کمانڈرز کانفرنس

شیعیت نیوز: چیف آف آرمی اسٹاف جنرل قمر جاوید باجوہ کی زیر صدارت کور کمانڈرز کانفرنس جی ایچ کیو راولپنڈی میں ہوئی جس میں پاک بھارت جاری کشیدگی سے پیدا ہونے والی صورتحال کا جائزہ لیا گیا، ترجمان پاک فوج کے مطابق کور کمانڈرز کانفرنس میں کہا گیا کہ بھارت کا ایل او سی پر شہری آبادی کو جان بوجھ کر نشانہ بنانا صرف آگ بڑھکا رہا ہے، مقبوضہ کشمیر میں بھارتی مظالم جلتی پر تیل کا کام کر ر ہے ہیں۔

کور کمانڈرز کانفرنس میں پلوامہ واقعہ کے بعد مقبوضہ کشمیر میں بڑھتے ہوئے بھارتی مظالم پر تشویش کا اظہار کیا گیا اور کہا گیا کہ علاقائی امن کے لیے شہری آبادی کو نشانہ بنانے سے روکنا ضروری ہے۔ آئی ایس پی آر کانفرنس کے شرکاء نے اس عزم کا اعادہ کیا کہ کسی بھی مہم جوئی اورجارحیت کے خلاف مادر وطن کا بھرپور دفاع کیا جائے گا۔ اس کے علاوہ کور کمانڈرز کانفرنس نے نیشنل ایکشن پلان 2014 کی پیشرفت کا بھی جائزہ لیا۔ آرمی چیف نے نیشنل ایکشن پلان پر عمل درآمد کے لیے دوسرے ریاستی اداروں کو مکمل معاونت دینے کی ہدایت کی۔

اس موقع پر اپنے خطاب میں آرمی چیف نے فورسز کے حوصلے اور کارکردگی کو سراہتے ہوئے کہا کہ پاکستان امن، استحکام اور ترقی کی مثبت راہ پر گامزن ہے۔ آئی ایس پی آر کے مطابق آرمی چیف نے قوم کی طرف سے حمایت کو سراہا اور اللہ تعالیٰ کی رحمت پر شکر ادا کیا۔ جنرل قمر جاوید باجوہ نے کسی بھی خطرے کا جواب دینے کے لیے تیار اور چوکس رہنے کی ہدایت کرتے ہوئے کہا کہ کوئی بھی ہمیں خطرے یا قوت کے ذریعے نہیں جھکا سکتا۔ آرمی چیف کا کہنا تھا کہ پالیسی اور طاقت کے استعمال کا حق صرف ریاست کی صوابدید رہے گا۔

ٹیگز

متعلقہ مضامین

Back to top button
Close