کاپی رائٹ کی وجہ سے آپ یہ مواد کاپی نہیں کر سکتے۔
یمن

یمن: محاصرے کی وجہ سے 27 ہزار افراد جان کی بازی ہار گئے، وزارت صحت

یمنی وزارت صحت نے عالمی برادری پر تنقید کرتے ہوئے کہا دنیا میں انسانی حقوق کے دعوئے داروں کو یمن میں مرنے والے بے گناہ انسان نظر ہی نہیں آرہے ہیں۔
وزارت صحت کے ترجمان «یوسف الحاضری» کا کہنا ہے کہ اس وقت ملک بھر میں 2لاکھ ایسے افراد موجود ہیں جو مختلف بیماریوں کا شکار ہیں جنہیں فوری طورپر علاج معالجے کی ضرورت ہے ان میں سے بہت سارے ایسے ہیں جنہیں علاج کے لئے ملک سے باہر لے جانے کی ضرورت ہے۔
انہوں نے کہا سعودی اتحادی درندوں نے ملک کے ہوائی اڈوں کا محاصرہ کیا ہوا ہے اور بہت سے بے گناہ شہری جان کی بازی ہاررہے ہیں۔
انہوں نے کہا محاصرے کی وجہ سے ملک میں ادویات ختم ہوچکی ہیں اور روزانہ کی بنیاد پر 30 سے 40 شہری مر رہے ہیں۔
واضح رہے کہ اقوام متحدہ کے انسانی حقوق کے افسران کے مطابق یمن میں سعودی جارحیت سے گزشتہ 3 برس میں تقریباً 6 ہزار 660 شہری شہید اور 10 ہزار 500 افراد زخمی ہوچکے ہیں۔
تفتیش کاروں کا کہنا ہے کہ سعودی اتحادی افواج نے ایسے جھگوں کو نشانہ بنایا جہاں کسی قسم کا کوئی عسکری خطرہ بھی نہیں تھا۔
یاد رہے کہ سعودی عرب نے امریکا اور اسرائیل کی حمایت سے اور اتحادی ملکوں کے ساتھ مل کر چھبیس مارچ دوہزار پندرہ سے یمن پر وحشیانہ جارحیتوں کا سلسلہ شروع کر رکھا ہے۔

ٹیگز
Show More

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

Please consider supporting us by disabling your ad blocker