پاکستان کی اہم خبریں

افغان سفیر کی آرمی چیف سے ملاقات، افغان امن عمل پر تبادلہ خیال

شیعت نیوز : آرمی چیف جنرل قمر جاوید باجوہ سے پاکستان میں تعینات افغان سفیر عاطف مشعل نے امن عمل پرتبادلہ خیال کے لیے ملاقات کی۔ ملاقات کے بعد عاطف مشعل نے سماجی رابطے کی ویب سائٹ ٹوئٹر پر کیے گئے ٹوئٹ میں کہا کہ میں نے پاکستان کے آرمی چیف جنرل قمر جاوید باجوہ سے ملاقات کی اور ان کےحالیہ دورہ کابل اور افغان امن عمل پر تبادلہ خیال کیا۔

انہوں نے کہا کہ ملاقات میں افغانستان پاکستان ایکشن پلان فار پیس اینڈ سولیڈریٹی (اے پی اے پی پی ایس) کے اجلاس، دو طرفہ تعلقات مضبوط کرنے اور خطے کی موجودہ صورتحال پر بات چیت کی گئی۔

مسلح افواج قومی حمایت سے دفاع کی ذمہ داریاں سرانجام دیتی رہیں گی، آرمی چیف

خیال رہے کہ 9 جون کو آرمی چیف نے افغان قیادت کو امن عمل میں پاکستان کے تعاون کی یقین دہانی کے لیے کابل کا دورہ کیا تھا۔ ان کا دورہ بین الافغان مذاکرات کے آغاز کی جانب پیشرفت کے دوران ہوا تھا جس نے افغانستان میں 19 سالہ طویل تنازع کے خاتمے سے متعلق امیدیں پیدا کردیں تھیں۔ تاہم افغان حکومت اور طالبان کے درمیان قیدیوں کا تبادلہ بعدازاں دوبارہ سست ہوگیا، کابل نے ابھی اتفاق کردہ 5 ہزار جنگجوؤں میں سے مزید ایک ہزار 250 کو رہا کرنا ہے، جبکہ طالبان، قبضے میں لیے گئے ایک ہزار افغان سیکیورٹی اہلکاروںمیں سے 400 کو آزاد کرنے کے لیے تیار ہے۔ دونوں فریقین کے درمیان قیدیوں کا تبادلہ دوحہ معاہدے کے تحت ہورہا ہے جس پر فروری میں طالبان اور امریکا نے دستخط کیے تھے اور یہی بین الافغان مذاکرات کے آغاز کی شرط ہے۔

خیال رہے کہ قیدیوں کی رہائی ایک بڑا مسئلہ ہے جو بین الافغان مذاکرات کے آغاز میں تاخیر کا باعث بن رہا ہے جسے 10مارچ کو شروع ہونا تھا۔ مزید برآں افغانستان میں تشدد کے واقعات میں تیزی سے اضافہ بھی ہوا ہے۔ قومی مفاہمت کے لیے افغانستان کی اعلی کونسل کے سربراہ عبداللہ عبداللہ نے خبردار کیا ہے کہ تشدد میں اضافے سے امن عمل کو نقصان پہنچے گا۔

ٹیگز

متعلقہ مضامین

Back to top button
Close