دنیا

افغانستان کے صوبے غزنی میں بم دھماکے، 4 خواتین سمیت 9 جاں بحق

افغانستان کے صوبے غزنی کے گورنر ہاؤس نے اعلان کیا ہے کہ سڑک کے کنارے نصب ایک بم کے دھماکے میں نو عام شہری مارے گئے۔

افغانستان کے صوبے غزنی کے گورنر ہاؤس کے ترجمان وحید اللہ جمعہ زادہ نے کہا ہے کہ روضہ کے علاقے میں سڑک کے کنارے نصب بم کا دھماکہ ہوا جس میں نو افراد جاں بحق اور دو زخمی ہو گئے۔

ہفتے کےروز ہونے والے اس بم دھماکے کے فورا بعد سیکورٹی اہلکار جائے حادثہ پہنچ گئے تاکہ لاشوں اور زخمیوں کو اسپتال منتقل کیا جا سکے، اچانک اسی وقت ایک اور دھماکہ ہو گیا جس میں ایک سیکورٹی اہلکار جاں بحق اور دو زخمی ہو گئے۔

پہلے بم دھماکے میں مرنے والوں میں چار خواتین شامل ہیں۔

واضح رہے کہ غزنی افغانستان کا ایک بد امن صوبہ ہے اور اس صوبے کے مختلف علاقوں میں اب تک سیکڑوں افراد طالبان کے حملوں کی بھینٹ چڑھ چکے ہیں۔

ٹیگز

متعلقہ مضامین

Back to top button
Close