اہم ترین خبریںپاکستان

شہید اعتزازحسن نے ثابت کیاکہ شیعہ قوم مادر وطن کی سلامتی کیلئےجان دینے سے بھی دریغ نہیں کرتی،علامہ احمد اقبال

انہوں نے کہا کہ وطن عزیز میں دہشت گردانہ کاروائیوں کا سب سے زیادہ نقصان پاک فوج اور ملت تشیع کو اٹھانا پڑا

شیعت نیوز: مجلس وحدت مسلمین پاکستان کے مرکزی ڈپٹی سیکرٹری جنرل علامہ احمد اقبال رضوی نے ہنگو کے نوجوان اعتزاز حسن بنگش کی چھٹی برسی کے موقع پر انہیں خراج تحسین پیش کرتے ہوئے کہا ہے کہ ملک و قوم کا دفاع کرنے والے نوجوان اس قوم کا فخر اور حقیقی ہیرو ہیں۔اعتزاز حسن نے اپنی جان پر کھیل کر دہشت گردی کی جس کاروائی کو ناکام بنایا اگر دہشت گرد اس میں کامیاب ہو جاتے تو پاکستان کی تاریخ میں ایک سیاہ باب کا مزید اضافہ ہو جاتا۔

یہ بھی پڑھیں: ایران امریکا تنازعہ ،وزیر اعظم عمران خان امریکی ڈکٹیشن کے تابع نظر آتے ہیں، علامہ اقتدار نقوی

انہوں نے کہا کہ وطن عزیز میں دہشت گردانہ کاروائیوں کا سب سے زیادہ نقصان پاک فوج اور ملت تشیع کو اٹھانا پڑا۔ہمارے باصلاحیت نوجوانوں اور ماہرین کو چن چن کر قتل کیا گیا۔لیکن شیعہ قوم نے ہمیشہ پاکستان کی سربلندی اور استحکام کو مقدم سمجھتے ہوئے اس کے لیے اپنی جدوجہد جاری رکھی۔شہید اعتزاز حسن نے اس حقیقت کو سچ کر دکھایا کہ شیعہ قوم پاکستان کا مضبوط دفاع ہے اورمادر وطن کی سلامتی کے لیے جان دینے سے بھی دریغ نہیں کرتی۔

یہ بھی پڑھیں: جے یوپی کےسربراہ پیر اعجاز احمد ہاشمی نے جنرل سلیمانی کی شہادت پرپی ٹی آئی حکومت کو آئینہ دکھادیا

انہوں نے کہا کہ اس وقت امت مسلمہ کو عالمی دہشت گردی کا سامنا ہے۔ دنیا کے ہر مسلم ملک کو امریکہ نے میدان جنگ بنایا ہوا ہے اور وہ سفارتی و اخلاقی آداب کی پرواہ کیے بغیر دوسروں کی خودمختاری کو پامال کرتا آگے بڑھ رہا ہے۔ایسی صورتحال میں عالم اسلام کو باوقار کردار ادا کرنے کی ضرورت ہے۔اعتزاز حسن کی شہادت ہمارے لیے نمونہ بھی ہے اور اس عزم کا اظہار بھی کہ دشمن چاہے کتنا ہی طاقتور کیوں نہ ہو اسے ناکام بنانے کے لیے عملی قدم اٹھانا ضروری ہے چاہے اس کی کوئی بھی قیمت ادا کرنا پڑے۔

ٹیگز

متعلقہ مضامین

Back to top button
Close