اہم ترین خبریںلبنان

عالمی سامراج اربعین کے ملین مارچ سے خوف زدہ نظر آرہے ہیں، حسن نصراللہ

شیعت نیوز : اربعین حسینی کے موقع پر دسیوں لاکھ زائرین کی کربلا میں شرکت ایک بے مثال واقعہ ہے اور امریکہ ، صیہونی حکام عالمی سامراج اور دنیا کے ظالم حکمراں اربعین کے اس ملین مارچ سے خوف زدہ نظر آرہے ہیں۔

حزب اللہ کے سربراہ سید حسن نصراللہ نے اربعین حسینی کی مناسبت سے لبنان کے شہر بعلبک میں عزاداروں کے اجتماع سے خطاب کرتے ہوئے کہا کہ کربلا میں اربعین حسینی کے موقع پر کروڑوں عاشقان حسینی اور زائرین کے اجتماع کی دنیا میں کوئی نظیر نہیں ملتی اور امام عالی مقام کے شیدائی دنیا کے مختلف ملکوں حتی امریکہ اور یورپ سے خود کو کربلا پہنچاتے ہیں ۔

یہ بھی پڑھیں : اسرائیلی حکومت ، پاکستان، ایران، عراق، شام اور لبنان کیلئے بڑا خطرہ ہے، سید حسن نصر اللہ

انہوں نے کہا کہ اربعین ملین مارچ نے ایک بار پھر پوری دنیا کو حسینی جوش و جذبہ دکھا دیاہے۔

سید حسن نصراللہ نے لبنان میں حالیہ مظاہروں کی جانب اشارہ کرتے ہوئے کہا کہ حکومت کے اندر اور سیاسی پارٹیوں میں بعض افراد اپنی ذمہ داریوں سے خود کو بری الذمہ قرار دینے کی کوشش کررہے ہیں اور حالیہ واقعات اور موجودہ صورتحال کے نتائج کا ذمہ دار دوسروں کو قراردینے کے درپئے ہیں لیکن یہ اقدام اس بات کو ظاہر کرتا ہے کہ ایسے لوگوں میں قومی جذبہ نہیں پایا جاتا اور عوام کی خدمت کے تعلق سے وہ انسانی اور اخلاقی قدروں کے پابند نہیں ہیں۔

ٹیگز
Show More

متعلقہ مضامین

Back to top button
Close