اہم ترین خبریںپاکستان کی اہم خبریں

اسرائیل تسلیم کرنے والوں کو بحیرہ عرب میں ڈبو دیں گے وفاقی وزیر علی محمد خان

ہم نے عہد کیا ہے کشمیر بنے گا پاکستان، وزیراعظم عمران خان نے امریکا میں کشمیر کا مقدمہ لڑا

شیعت نیوز: پاکستان تحریک انصاف کے رہنما اوروفاقی وزیر مملکت برائے پارلیمانی امور علی محمد خان نے مردان میں میڈیا سے گفتگو کرتے ہوئے کہا ہے کہ اسرائیل کو تسلیم کرنے والوں کو بحیرۂ عرب میں ڈبو دیا جائے گا۔ تفصیلات کے مطابق وفاقی وزیر نے مردان میں پریس کلب میں تقریب سے خطاب کرتے ہوئے کہا کہ اسرائیل تسلیم کرنے والوں کو بحیرہ عرب میں ڈبو دیں گے۔

یہ بھی پڑھیں: پاکستان اور اسرائیل کے درمیان تعلقات کے حوالے سے پاک فوج کا اہم انکشاف

علی محمد خان نے کہا کہ مودی اس خطے پر بدنما داغ ہے، ہم نے عہد کیا ہے کشمیر بنے گا پاکستان، وزیراعظم عمران خان نے امریکا میں کشمیر کا مقدمہ لڑا، مودی کشمیر کا خواب دیکھنا چھوڑ دے، دہلی کی خیر منائے۔ وفاقی وزیر نے ملکی صورتحال پر بھی بات کی، کہا کہ نیب اور پولیس سمیت تمام ادارے کینسر زدہ ہیں، عمران خان اکیلے نظام کو درست نہیں کر سکتے۔

یہ بھی لازمی پڑھیں: نہ کشمیر کو فلسطین بننے دینگے اور نہ ہی بھارت کو اسرائیل۔ ثروت قادری

اپوزیشن رہنماؤں کے ساتھ ڈیل کی خبروں پر ان کا کہنا تھا کہ نواز شریف، آصف زرداری سے ڈیل دولت کی واپسی پر ہو سکتی ہے، عمران خان کا عہد ہے قومی دولت کسی کو ہڑپ نہیں کرنے دیں گے۔ واضح رہے کہ چند دن قبل وزیر مملکت نے یہ بھی کہا تھا کہ بھارت حملہ کر چکا ہے اور ہم نے جواب دینا ہے، غزوہ ہند کے لیے تیاریاں کی جا رہی ہیں، نشانیاں عیاں ہو چکی ہیں، ہم پوری طرح تیار ہیں، بھارت کو منہ توڑ جواب دیں گے۔

ٹیگز
Show More

متعلقہ مضامین

Back to top button
Close