ایران

امریکہ اس پوزیشن میں نہیں کہ ایران اور یمن کے تعلقات میں مداخلت کرے: ایران

ایران کی وزارت خارجہ کے ترجمان نے ایران اور یمن کے تعلقات میں امریکی مداخلت پر رد عمل ظاہر کیا ہے۔

آئی آر آئی بی کی رپورٹ کے مطابق اسلامی جمہوریہ ایران کی وزارت خارجہ کے ترجمان سعید خطیب‌ زاده نے کہا ہے کہ امریکہ ایسی پوزیشن میں نہیں ہے کہ وہ ایران اور یمن کے تعلقات کے حوالے سے اظہار خیال کرے۔

سعید خطیب ‌زاده نے کہا کہ گزشتہ 5 برسوں سے یمن کے نہتے عوام کے خلاف جاری سعودی اتحاد کی جارحیت میں امریکہ نے جارح سعودی عرب کی حمایت و مدد کی۔

ایران کی وزارت خارجہ کے ترجمان نے امریکہ کو مخاطب کرتے ہوئے کہا کہ امریکی حکام کو چاہئے کہ وہ فوری طور پر علاقے میں اپنی جارحیت اور سازشی منصوبوں کو لگام دے۔

واضح رہے کہ امریکی وزارت خارجہ کی ترجمان مورگان اورٹیگس Morgan Ortagus نے یمن کیلئے ایران کے نئے سفیر حسن ایرلو کی تعیناتی پر کہا کہ یمنی عوام کو ایرانی سفیر کی تعیناتی کی مخالفت کرنی چاہئے۔

ٹیگز

متعلقہ مضامین

Back to top button
Close