اہم ترین خبریںدنیا

امریکی بحری اڈے پر حملہ آور سعودی فوجی اہلکار تھا

شیعت نیوز:امریکی ریاست فلوریڈا کے گورنر نے تصدیق کی ہے کہ امریکی بحری اڈے پر حملہ آور کا تعلق سعودی عرب سے تھا جس کی شناخت محمد سعید الشامرانی کے نام سے ہوئی ہے جو اس بحری اڈے پر تربیت حاصل کر رہا تھا۔امریکی حکام نے واقعہ کی تحقیقات کے سلسلے میں 6 سعودی شہریوں کو حراست میں لیا ہے۔ امریکہ کی ریاست فلوریڈا کے شہر پینساکولا میں فوجی تربیت حاصل کرنے والے سعودی طالبعلم نے نیول بیس میں فائرنگ کر دی جس کے نتیجے میں 3 امریکی فوجی اہلکارہلاک ہو گئے، جبکہ جوابی فائرنگ میں سعودی حملہ آور بھی مارا گیا۔

فلوریڈا کے گورنر نے تصدیق کی ہے کہ حملہ آور کا تعلق سعودی عرب سے تھا جس کی شناخت محمد سعید الشامرانی کے نام سے ہوئی ہے جو اس بحری اڈے پر تربیت حاصل کر رہا تھا۔فائرنگ کا واقعہ پینساکولا کے نیول ایئر اسٹیشن کے کلاس روم میں پیش آیا جس کے نتیجے میں 11 افراد زخمی بھی ہوئے ہیں۔

زخمیوں میں حملہ آور سے مزاحمت کرنے والے 2 ڈپٹی شیرف بھی شامل ہیں جن میں سے ایک کے گھٹنے اور دوسرے کے بازو میں گولی لگی ہے، واقعے کے تمام زخمیوں کو اسپتال منتقل کر دیا گیا ہے جہاں انہیں طبی امداد دی جا رہی ہے۔

اسکیمبیا کاؤنٹی کے شیرف ڈیوڈ مورگن کے مطابق ایک ڈپٹی شیرف کی جوابی فائرنگ کے نتیجے میں سعودی حملہ آور مارا گیا ہے جبکہ واقعہ کے بعد متاثرہ عمارت کو بند کر دیا گیا ہے۔ امریکی حکام نے واقعے کی تحقیقات کے سلسلے میں 6 سعودی شہریوں کو حراست میں لیا ہے۔ امریکی حکام کے مطابق حملہ آور 9 ایم ایم کے گلوک پسٹل سے مسلح تھا۔ سعودی عرب کے بادشاہ ملک سلمان نے اس واقعہ پر سخت برہمی کا اظہار کرتے ہوئے امریکی صدر سے معذرت طلب کی ہے۔ واضح رہے کہ رواں ہفتے میں بدھ کے روز پرل ہاربر کے فوجی اڈے پر اسی طرح کے ایک واقعے میں امریکی اہلکار کی فائرنگ کے نتیجے میں 2 افراد ہلاک ہو گئے تھے۔

ٹیگز
Show More

متعلقہ مضامین

Back to top button
Close