مقبوضہ فلسطین

غزہ میں فلسطینی مظاہرین پر صیہونی فائرنگ سے 79فلسطینی زخمی

شیعت نیوز: غزہ کی پٹی میں صیہونی فوج نے فلسطینی مظاہرین پر فائرنگ اور آنسوگیس کی شیلنگ کر دی جس کے نتیجے میں کم سے کم 79شہر زخمی ہو گئے۔ زخمیوں میں طبی عملے کے امدادی کارکن بھی شامل ہیں۔

جمعہ کو غزہ کی مشرقی سرحد پر ناکہ بندی کے خاتمے اور فلسطینی پناہ گزینوں کی وطن واپسی کے لیے ہونے والے ہفتہ وار مظاہروں پر اسرائیلی فوج نے فائرنگ کی جس کے نتیجے میں 79 فلسطینی زخمی ہوگئے۔

غزہ وزارت صحت کے ترجمان ڈاکٹر اشرف القدرہ نے بتایا کہ اسرائیلی فوج کی فائرنگ سے زخمی ہونے والوں میں دو امدادی کارکن بھی شامل ہیں۔

یہ خبر بھی لازمی پڑھیں :سینچری ڈیل اور بحرین میں منامہ کانفرنس کے خلاف فلسطین میں مظاہرے

اشرف القدرہ نے بتایا کہ ایک زخمی شہری کے سینے میں گولی لگی ہے جسے اسپتال منتقل کرد یا گیا ہے تاہم اس کی حالت خطرے میں بیان کی جاتی ہے۔ جمعہ کے روز ہزاروں فلسطینیوں نے مشرقی سرحد پر حق واپسی اور غزہ کی ناکہ بندی کے خلاف مظاہروں میں حصہ لیا۔

خیال رہے کہ غزہ کے فلسطینی 30 مارچ 2018ء سے غزہ کی سرحد پر علاقے کی 12 سال سے جاری معاشی ناکہ بندی کے خلاف اور فلسطینی پناہ گزینوں کے حق واپسی کے لیے احتجاج کر رہے ہیں۔ یہ احتجاج مسلسل 63 ہفتوں سے جاری ہے۔

قابض اسرائیلی فوج فلسطینیوں کے احتجاج کو کچلنے کے لیے طاقت کا استعمال کرتی ہے جس کے نتیجے میں گذشتہ ایک سال کے دوران اب تک 300 فلسطینی مظاہرین شہید اور ہزاروں کی تعداد میں زخمی ہو چکے ہیں۔

ٹیگز
Show More

متعلقہ مضامین

Back to top button
Close