تازہ ترین

فلسطینیوں کے بحری مارچ پر اسرائیلی فوج کی فائرنگ

Wednesday, 26 December 2018


صیہونی فوجیوں نے عزہ کا محاصرہ توڑنے کے لیے جاری فلسطینیوں کے اکیسویں بحری مارچ میں شریک مظاہرین کو ربڑ کی گولیوں اور آنسوگیس کے گولوں کا نشانہ بنایا۔

ہمارا خون فلسطین کی آزادی کا روڈ میپ ہے، کے نام سے ہونے والے ہفتہ وار بحری مارچ میں فلسطینیوں کی درجنوں لانچوں میں سوار ہزاروں افراد نے حصہ لیا۔
فلسطین کی وزارت صحت کے مطابق بحری مارچ میں شریک لوگوں پر صیہونی فوجیوں کی فائرنگ میں کم سے کم چودہ فلسطینی زخمی ہوئے جن میں سے ایک نوجوان کی حالت نازک ہے۔
وزارت صحت کے مطابق اسرائیلی فوجیوں کی جانب سے داغے جانے والے آنسو گیس کے گولوں کے نتیجے میں سیکڑوں فلسطینیوں کو دم گھٹنے کی کیفیت کا سامنا کرنا پڑا۔
دوسری جانب مشرقی خان یونس کے علاقے خزاعہ میں بھی صیہونی فوجیوں نے پرامن مظاہرہ کرنے والے فلسطینیوں کو اپنے وحشیانہ حملے کا نشانہ بنایا جس میں دو فلسطینی شدید زخمی ہو گئے۔
اسرائیل نے سن دو ہزار چھے سے غزہ کا زمینی، فضائی اور سمندری محاصرہ کر رکھا ہے جس کی وجہ سے علاقے میں آباد فلسطینیوں کو بے پناہ مشکلات کا سامنا ہے۔
ادھر فلسطینی پارلیمنٹ میں مزاحمتی دھڑے کے سربراہ محمود الزہار نے کہا ہے کہ مقبوضہ علاقوں میں اسرائیل کے جارحانہ اقدامات اور غاصبانہ قبضے کے خلاف جدوجہد کے لیے مزاحمت ہی، واحد راستہ ہے۔
ایران پریس کو انٹرویو دیتے ہوئے محمود الزہار کا کہنا تھا کہ صیہونی دشمن کے ساتھ سیکورٹی تعاون کرنا فلسطینی امنگوں کے منافی ہے اور یہ تحریک مزاحمت کا نتیجہ ہے کہ اسرائیل کو سن دو ہزار پانچ میں غزہ سے باہر نکل پڑا۔
حماس کے سینیر رہنما نے کہا کہ بیت المقدس صرف اور صرف فلسطین کا دارالحکومت ہے اور سینچری ڈیل یا اس جیسا کوئی بھی معاملہ فلسطینیوں کو اس کے حق سے محروم نہیں کر سکتا۔
محمودالزہار نے فلسطینی پارلیمنٹ کی تحلیل کو فلسطینی آئین سے متصادم قرار دیا اور یہ بات زور دے کر کہی کہ آئینی مدت کی تکمیل اور نئے پارلیمانی انتخابات سے پہلے پارلیمینٹ کو تحلیل نہیں کیا جا سکتا۔
واضح رہے کہ فلسطین کی خودمختار انتظامیہ کے سربراہ محمود عباس نے ہفتے کی رات پارلیمنٹ تحلیل کرنے کا اعلان کیا تھا۔
محمود عباس کا کہنا ہے کہ عدالت نے پارلیمنٹ کو تحلیل کر کے چھے ماہ میں الیکشن کرانے کا حکم دیا ہے اور عدالت کے فیصلے پر عمل درآمد ضروری ہے۔

Read 160 times Last modified on Monday, 31 December 2018

Leave a comment

شیعہ نسل کشی رپورٹ

Shia Genocide 2016

حلب میں داعش کو شکست

حلب شام میں داعش کو شکست فاش کی لمحہ بہ لمحہ خبریں

اسلام و پاکستان دشمن مفتی نعیم

Mufti Naeem

مقبوضہ کشمیر و فلسطین

فلسطینیوں کے خوف سے اسرائیلی فوجی مغربی پٹی سے بھاگ گئے

فلسطینیوں کے خوف سے اسرائیلی فوجی مغربی پٹی سے بھاگ گئے

مقبوضہ فلسطین میں ایک فلسطینی کی تازہ کارروائی کے بعد اسرائیلی فوجی مغربی پٹی سے بھاگ گئے۔ اسرائیلی ذرائع نے اعتراف کیا ہے کہ ارائیل علاقہ میں ہونے وا...

مقالہ جات

Follow

Facebook

ڈیلی موشن

سوشل میڈیا لنکس

ہم سے رابطہ

ایمیل: This email address is being protected from spambots. You need JavaScript enabled to view it.

ویبسائٹ http://www.shiitenews.org