تازہ ترین

سعودی اتحادیوں کی افواج کے ہاتھوں اغوا ہونے والے چوبیس یمنی شہریوں کو آزاد کرانے کا اعلان

Published in یمن
Saturday, 09 March 2019


یمن کی عوامی انقلابی تحریک انصاراللہ کی قیدیوں کے امور کی کمیٹی کے سربراہ عبدالقادر المرتضی نے العبیسہ نامی علاقے کو آزاد کرا لئے جانے کے بعد سعودی عرب اور اس کے اتحادیوں کی افواج کے ہاتھوں اغوا ہونے والے چوبیس یمنی شہریوں کو آزاد کرانے کا اعلان کیا ہے۔

یمن سے ہی ایک اور خبر یہ ہے کہ یمنی فوج اورعوامی رضاکار فورس نے شمالی یمن کے صوبے صعدہ کے شہر باقم پر سعودی اتحاد کی جارحیت کے جواب میں جنوبی سعودی عرب میں نجران کے علاقے الاجاشر میں سعودی اتحاد کی ایک فوجی گاڑی کو نشانہ بنایا جس میں سوار سعودی اتحاد کے تمام فوجی ہلاک ہو گئے۔

یمنی فوج نے اسی طرح سعودی عرب کے علاقے عسیر میں ربوعہ نامی علاقے میں سعودی اتحاد کی پیش قدمی کی کوشش کو ناکام بناتے ہوئے کئی فوجیوں کو ہلاک اور زخمی کر دیا۔ ادھر الحدیدہ کے علاقے التحیتا میں سعودی اتحاد کے فوجیوں نے ایک سو بیس سے زائد مارٹر گولے فائر کرکے مختلف علاقوں کی زرعی اراضی کو تباہ کر دیا۔

دریں اثنا یمن میں انسانی حقوق کی تنظیم کی سربراہ کا کہنا ہے کہ انسان دوستانہ امداد سے قبل امریکی بم اور ہتھیار یمن منتقل ہوجاتے ہیں۔ یمن میں انسانی حقوق کی تنظیم کی سربراہ رضیہ المتوکل نے امریکی ایوان نمائندگان کی خارجہ تعلقات کی کمیٹی کے اراکین کے ساتھ ہونے والی ایک نشست میں امریکی اراکین کانگریس سے مطالبہ کیا ہے کہ وہ سعودی عرب اور متحدہ عرب امارات کو امریکی ہتھیاروں کی فروخت پر پابندی عائد کریں۔ انھوں نے کہا کہ سعودی اتحاد کی جانب سے استعمال کئے جانے والے امریکی ہتھیاروں سے اب تک ہزاروں یمنی شہری مارے جا چکے ہیں اور سعودی اتحاد کے حملے جنگی جرائم شمار ہوتے ہیں اور یمنی شہری امریکہ کو یمن کے خلاف سعودی اتحاد کی جارحیت میں برابر کا شریک سمجھتے ہیں اوراسی بنا پر یمنی عوام میں امریکہ سے شدید ناراضگی اور نفرت پائی جاتی ہے۔ انڈیپنڈینٹ نے بھی یمن پر سعودی اتحاد کی جارحیت کے بارے میں انسانی حقوق کی تنظیموں کی متعدد رپورٹوں کی بنیاد پر لکھا ہے کہ سعودی عرب اور متحدہ عرب امارات، امریکہ اور برطانیہ کے ہتھیاروں کے ذریعے نہ صرف یمن کے خلاف جنگ و جارحیت جاری رکھے ہوئے ہیں بلکہ وہ اس ملک میں عوام کے قتل عام اور تباہی و بربادی کا سلسلہ بھی بدستور آگے بڑھا رہے ہیں۔

واضح رہے کہ سعودی عرب اور متحدہ عرب امارات، امریکہ اور بعض مغربی ملکوں کی حمایت سے مارچ دو ہزار پندرہ سے یمنی عوام کو وحشیانہ جارحیت کا نشانہ بنا رہے ہیں اور اس جارحیت میں اب تک کم از کم ساٹھ ہزار یمنی شہید و زخمی اور لاکھوں دیگر بے گھر ہوئے ہیں جبکہ ایک کروڑ چالیس لاکھ یمنی شہریوں کو قحط و بھوک مری کا سامنا ہے -

Read 82 times

Leave a comment

شیعہ نسل کشی رپورٹ

Shia Genocide 2016

حلب میں داعش کو شکست

حلب شام میں داعش کو شکست فاش کی لمحہ بہ لمحہ خبریں

اسلام و پاکستان دشمن مفتی نعیم

Mufti Naeem

مقبوضہ کشمیر و فلسطین

مقالہ جات

ہمیں بے گناہ قتل کیا جا رہا ہے، ہماری مدد کریں گے، پلیز

ہمیں بے گناہ قتل کیا جا رہا ہے، ہماری مدد کریں گے، پلیز

شیعیت نیوز: ڈیرہ اسماعیل خان میں جاری ٹارگٹ کلنگ کے معاملے پہ غور کرتے ہوئے سینیٹ کی قائمہ کمیٹی برائے داخلہ نے فیصلہ کیا ہے کہ آئندہ اجلاس میں تمام...

Follow

Facebook

ڈیلی موشن

سوشل میڈیا لنکس

ہم سے رابطہ

ایمیل: This email address is being protected from spambots. You need JavaScript enabled to view it.

ویبسائٹ http://www.shiitenews.org