تازہ ترین

نیوزی لینڈ میں مسجد پر حملے کے پیچھے 9/11 کے بعد تیزی سے پھیلنے والا “اسلاموفوبیا” کارفرما ہے، عمران خان

Published in پاکستان
Friday, 15 March 2019


شیعیت نیوز: وزیراعظم پاکستان نے نیوزی لینڈ میں دہشت گردی حملے کی مذمت کرتے ہوئے کہا ہے کہ دہشت گردوں کا کوئی مذہب نہیں ہوتا۔ وزیراعظم عمران خان نےاپنے  ٹویٹ میں کہا کہ ان بڑھتے ہوئے حملوں کے پیچھے 9/11 کے بعد تیزی سے پھیلنے والا “اسلاموفوبیا” کارفرما ہے جس کے تحت دہشت گردی کی ہر واردات کی ذمہ داری مجموعی طور پر اسلام اور سوا ارب مسلمانوں کے سر تھوپنے کا سلسلہ جاری رہا۔ انہوں نے کہا کہ مسلمانوں کی جائز سیاسی جدوجہد کو نقصان پہنچانے کیلئے بھی یہ حربہ آزمایا گیا۔ وزیراعظم پاکستان نے لکھا ہے کہ کرائسٹ چرچ (نیوزی لینڈ) میں مسجد پر دہشت گرد حملہ نہایت تکلیف دہ اور قابل مذمت ہے۔ یہ حملہ ہمارے اس مؤقف کی تصدیق کرتا ہے جسے ہم مسلسل دہراتے آئے ہیں کہ دہشت گردی کا کوئی مذہب نہیں، ہماری ہمدردیاں اور دعائیں متاثرین اور انکے اہل خانہ کیساتھ ہیں۔

چیئرمین سینیٹ محمد صادق سنجرانی نے بھی نیوزی لینڈ کی مسجد میں ہونے والی فائرنگ کے واقعے کی شدید الفاظ میں مذمت کی ہے۔ انہوں نے کہا کہ دہشت گرد اپنے مذموم مقاصد میں کبھی کامیاب نہیں ہوسکتے۔ صادق سنجرانی کا کہنا ہے کہ دہشت گردی جہاں بھی ہو اس کی بھر پور مذمت کرتے ہیں دہشت گردوں کا کوئی مذہب نہیں ہوتا۔ سابق صدر آصف علی زرداری نے بھی نیوزی لینڈ میں دہشت گرد حملے کی مذمت کرتے ہوئے کہا ہے کہ پوری دنیا کو دہشت گردی کے خلاف ایک صفحہ پر آنا ہوگا، دہشت گردی ایک ناسور ہے اس ناسور کو ختم کرنا ہوگا۔ سابق صدر نے کہا کہ حکومت نیوزی لینڈ میں مقیم ہم وطنوں سے رابطہ کرے۔ یاد رہے کہ نیوزی لینڈ میں نامعلوم ملزمان نے نماز جمعہ کی ادائیگی کیلئے دو مساجد میں موجود افراد پر فائرنگ کرکے کم ازکم 40 افراد کو جاں بحق اور متعدد کو زخمی کردیا ہے۔ وزیراعظم نیوزی لینڈ کے مطابق 25 زخمیوں کی حالت تشویشناک ہے۔

Read 211 times

Leave a comment

شیعہ نسل کشی رپورٹ

Shia Genocide 2016

حلب میں داعش کو شکست

حلب شام میں داعش کو شکست فاش کی لمحہ بہ لمحہ خبریں

اسلام و پاکستان دشمن مفتی نعیم

Mufti Naeem

مقبوضہ کشمیر و فلسطین

مقالہ جات

ہمیں بے گناہ قتل کیا جا رہا ہے، ہماری مدد کریں گے، پلیز

ہمیں بے گناہ قتل کیا جا رہا ہے، ہماری مدد کریں گے، پلیز

شیعیت نیوز: ڈیرہ اسماعیل خان میں جاری ٹارگٹ کلنگ کے معاملے پہ غور کرتے ہوئے سینیٹ کی قائمہ کمیٹی برائے داخلہ نے فیصلہ کیا ہے کہ آئندہ اجلاس میں تمام...

Follow

Facebook

ڈیلی موشن

سوشل میڈیا لنکس

ہم سے رابطہ

ایمیل: This email address is being protected from spambots. You need JavaScript enabled to view it.

ویبسائٹ http://www.shiitenews.org