تازہ ترین

کالعدم دہشت گرد جماعتوں کے کارندوں کو روزگاردینا ان کی حوصلہ افزائی کے مترادف ہے،پیر معصوم شاہ نقوی

Published in پاکستان
Friday, 15 March 2019


شیعیت نیوز: دہشتگردی کرنیوالی کالعدم جماعتوں کے آلہ کاروں کو روزگار کیلئے اور انہیں قومی دھارے میں شامل کرنا افسوسناک اورد ہشتگردوں کی حوصلہ افزائی کے مترادف ہوگا۔ انہوں نے کہا کہ حکومت اپنے اعلان پر نظرثانی کرے، عید میلاد النبی کے جلوسوں، مساجد، مدارس، اولیاءاللہ کے مزارات، امام بارگاہوں، گرجا گھروں پر حملے کرنیوالے دہشتگرد کسی رعایت کے مستحق نہیں، ان خیالات کا اظہارجمعیت علماء پاکستان کے سربراہ قائد اہلسنت پیر معصوم نقوی نے اپنےایک بیان میں کیا۔

انہوں نے کہاکہ کالعدم جماعتوں کیخلاف بھرپور کارروائی ہونی چاہیے۔ ان کی جگہ پارلیمنٹ نہیں، بلکہ جیل ہونی چاہیے، حکومت کی طرف سے انہیں تنخواہیں دینے کا مطلب ہوگا کہ مجرموں کو کھلی چھٹی دیدی جائے کہ پہلے عوام کا قتل کرو، تمہیں معافی دیدی جائے گی۔ ان کا کہنا تھا کہ صرف مقتولین کے ورثا ہی قاتل کو معاف کرنے کا حق رکھتے ہیں، ریاست کو اس کا کوئی اختیار نہیں، حکومت اپنا کردار ادا کرتے ہوئے عوام کو تحفظ فراہم کرنے کیساتھ دہشتگردی کے خاتمے کیلئے نیشنل ایکشن پلان پر عمل کرے اگر ماضی کی حکومتیں اور موجودہ حکومت دہشتگردوں کیساتھ انتخابی اتحاد نہ کرتیں تو یہ دہشتگردی میں پروان نہیں۔

پیر معصوم نقوی نے کہا کہ دہشتگرد تنظیموں کے حامی وزرا کو بے نقاب کرکے انہیں عہدوں سے ہٹایا جائے، اگر مائنڈ سیٹ تبدیل نہیں کیا جائے گا تو معاشرے میں امن قائم نہیں ہو سکتا، طالبان سے ہونیوالے مذاکرات کی ناکامی کے بعد ہی سوات آپریشن، ضرب عضب اور ردالفساد آپریشن شروع کیے گئے تھے، جس کے باعث دہشتگرد تنظیموں کا خاتمہ کیا گیا اور اب کچھ سکون محسوس ہو رہا ہے، موجودہ حکومت کو بھی اپنے دہشتگردوں کیلئے نرم گوشہ کے بارے میں نظرثانی کرنی چاہیے۔ انہوں نے مطالبہ کیا کہ دہشتگردی پھیلانے والے مائنڈ سیٹ کو تبدیل کیا جائے اب بھی نفرت انگیز تقریر کرنیوالے ملاں موجود ہیں جو معاشرے کے مختلف طبقات کیخلاف گفتگو کرتے ہیں انہیں اسلام کے پُرامن پیغام کو عوام تک پہنچانا چاہیے، فرقوں کے درمیان اختلافات صدیوں پرانے ہیں، فقہی اختلافات کی بنیاد پر کسی کو واجب القتل، مرتد، مشرک، گستاخ رسول اور کافر قرار دینا خود بہت بڑا ارتداد ہے، جو کہ خارجیت کا شیوہ رہا ہے، اس خارجی فتنے کو ختم کیا جائے گا۔


Read 95 times

Leave a comment

شیعہ نسل کشی رپورٹ

Shia Genocide 2016

حلب میں داعش کو شکست

حلب شام میں داعش کو شکست فاش کی لمحہ بہ لمحہ خبریں

اسلام و پاکستان دشمن مفتی نعیم

Mufti Naeem

مقبوضہ کشمیر و فلسطین

مقالہ جات

ہمیں بے گناہ قتل کیا جا رہا ہے، ہماری مدد کریں گے، پلیز

ہمیں بے گناہ قتل کیا جا رہا ہے، ہماری مدد کریں گے، پلیز

شیعیت نیوز: ڈیرہ اسماعیل خان میں جاری ٹارگٹ کلنگ کے معاملے پہ غور کرتے ہوئے سینیٹ کی قائمہ کمیٹی برائے داخلہ نے فیصلہ کیا ہے کہ آئندہ اجلاس میں تمام...

Follow

Facebook

ڈیلی موشن

سوشل میڈیا لنکس

ہم سے رابطہ

ایمیل: This email address is being protected from spambots. You need JavaScript enabled to view it.

ویبسائٹ http://www.shiitenews.org