پاکستان

اسلام آباد میں انقلاب اسلامی ایران کی 37 ویں سالگرہ کی تقریب کا انعقاد کیا گیا

اسلام آباد میں انقلاب اسلامی ایران کی 37 ویں سالگرہ کی تقریب کا انعقاد کیا گیا۔ جس سے خطاب کرتے ہوئے وفاقی وزیر اطلاعات پرویز رشید کا کہنا تھا کہ پاکستان ایران کے ساتھ اپنے تعلقات کو انتہائی اہمیت دیتا ہے، عالمی پابندیاں ہٹنے سے جمہوری اسلامی ایران ترقی کی منازل طے کرے گا۔ انہوں نے کہا کہ ہمیں فخر ہے کہ ایران وہ واحد ملک ہے جس نے سب سے پہلے پاکستان کو تسلیم کیا، برادری اسلامی ملک نے ہمیشہ پاکستان کا مشکل وقت میں ساتھ دیا ہے۔ پرویز رشید کا کہنا تھا کہ پاکستان ایران کے ساتھ چاول اور ٹیکسٹائل سمیت دیگر شعبوں میں دوطرفہ تجارت کو 5 ارب ڈالر سالانہ تک لے جانا چاہتا ہے۔ اس سلسلے میں دونوں ملکوں کے درمیان قریبی رابطے ہیں۔ انقلاب اسلامی کی سالگرہ کی تقریب میں محمود خان اچکزئی، سینیٹر رحمان ملک، اقبال ظفر جھگڑا، امیر جماعت اسلامی سراج الحق، سینیٹر عبدالقیوم، شیعہ علماء کونسل کے سربرہ علامہ ساجد نقوی اور مختلف ملکوں کے سفیروں سمیت دیگر سیاسی و مذہبی شخصیات نے شرکت کی۔

ٹیگز

متعلقہ مضامین

Back to top button
Close