عراق

عراق میں کورونا سے مقابلے کے لئے رضاکار فورس حشد الشعبی پوری طرح تیار

شیعت نیوز : عراق کی عوامی رضاکار فورس حشد الشعبی نے کہا ہے کہ وہ پوری قوت کے ساتھ کورونا کی نابودی کے لئے دیگر اداروں کے ساتھ میدان میں موجود رہے گی۔ ادھر حزب اللہ عراق نے کہا ہے کہ امریکی اقدامات عراقی عوام کی استقامت کو متاثرنہیں کرسکتے۔

عراق کی عوامی رضاکار فورس حشد الشعبی نے کہا ہے کہ وہ پوری قوت کے ساتھ کورونا کی نابودی کے لئے دیگر اداروں کے ساتھ اس وقت تک میدان میں موجود رہے گی جب تک اس بیماری کا جڑ سے خاتمہ نہیں ہو جاتا۔

عراق میں کورونا وائرس سے متاثرین کی تعداد میں روز افزوں اضافے کے پیش نظر عراق کی عوامی رضاکار فورس حشد الشعبی نے صوبہ کربلا میں ایک فیلڈ اسپتال قائم کیا ہے جس میں کورورنا سے متاثرین کا علاج کیا جا رہا ہے۔

یہ بھی پڑھیں : عراق: امریکی سفارتی عملے کو فوری طور پر بغداد چھوڑنے کا حکم

عراق میں تقریبا چار سو افراد کورونا وائرس سے متاثر ہو چکے ہیں جن میں اب تک چھتیس افراد کو اپنی جان بھی گنوانی پڑی ہے جبکہ ایک سو پانچ افراد صحت یاب ہو کر اسپتالوں سے اپنے گھروں کو لوٹ چکے ہیں ۔

اس درمیان عراق کی عوامی رضاکار فورس حشد الشعبی کی ذیلی تحریک، حزب اللہِ عراق نے کہا ہے کہ ملک کے خلاف امریکی اقدامات سے عوام کے جذبہ استقامت پر کوئی اثرنہیں پڑے گا ۔

امریکی وزرات جنگ پینٹاگون نے اپنے ایک خفیہ فرمان میں عراق میں متعین امریکی فوجی کمانڈروں سے کہا ہے کہ وہ عراق میں حزب اللہ کو ختم کرنے کے لئے اپنی مہم اور پروگرام پر عمل درآمد تیز کردیں ۔

حزب اللہ عراق نے ہفتے کو ایک بیان جاری کر کے کہا ہے کہ عراق پر تسلط جمانے کی امریکہ کی تمام کوششوں کو ملک کی استقامتی تحریکوں اور گروہوں کا سامنا کرنا پڑے گا اور امریکہ کی ساری کوششیں اس چٹان کے مقابلے میں ناکام ہوجائیں گی۔

حزب اللہ عراق نے ایران کے خلاف امریکہ کی نئی پابندیوں کی جانب اشارہ کرتے ہوئے کہا کہ دنیا امریکی اقدامات سے کہ جن میں جنگ دہشت گردی اور سازشوں کے سوا کچھ بھی نہیں ہے، تنگ آ چکی ہے ۔ امریکی وزارت خزانہ نے جمعرات چھبیس مارچ کو ایران کے خلاف مزید ظالمانہ پابندیاں عائد کردی ہیں۔

ان پابندیوں میں ایران کے پندرہ شہریوں اور پانچ اداروں کو نشانہ بنایا گیا ہے۔

گذشتہ ہفتوں کے دوران جب دنیا اور ایران کورونا کا شکار ہیں بہت سے ملکوں منجملہ روس، چین، پاکستان، ترکی اور عالمی اداروں نے امریکہ سے مطالبہ کیا ہے کہ وہ ایران کے خلاف اپنی غیر انسانی اور ظالمانہ پابندیوں کو ختم کردے۔

ٹیگز
Show More

متعلقہ مضامین

Back to top button
Close