یمن

جارح سعودی عرب کی طرف سے یمن جنگ کے 5 سال مکمل

شیعت نیوز : یمن پر مسلط کردہ سعودی جنگ کی پانچویں سالگرہ کے روز گزشتہ 24 گھنٹوں کے دوران جارح سعودی عرب کی طرف سے یمن پر 100 سے زائد حملے کئے گئے ہیں۔

تفصیلات کے مطابق گزشتہ 24 گھنٹوں میں جارح سعودی فوجی اتحاد نے یمن کے صوبوں مأرب، الجوف، الحدیدہ اور حجہ پر 100 سے زائد مرتبہ ہوائی حملے اور گولہ باری کی ہے۔

یمنی خبررساں ایجنسی سبأ کی رپورٹ کے مطابق سعودی جنگی طیاروں نے یمنی صوبے مأرب کے شہر صراوح اور مجزر کو 20 سے زائد مرتبہ اپنے ہوائی حملوں کا نشانہ بنایا ہے۔

یہ بھی پڑھیں : جنگی تاریخ میں سب سے زیادہ حملے کرنے کے باوجود سعودی عرب ناکام رہا۔

علاوہ ازیں سعودی عرب نے طے پانے والے سویڈن معاہدے کی خلاف ورزی کرتے ہوئے یمن کے مغربی صوبے الحدیدہ پر بھی 111 بار توپخانے سے حملہ کیا ہے۔

ذرائع کے مطابق سعودی توپخانے کے ان حملوں میں الحدیدہ کا المنظر اور الخامری نامی علاقہ شدید متاثر ہوا ہے۔

گزشتہ 24 گھنٹوں کے دوران سعودی توپخانے کے ان حملوں میں یمنی شہروں مثلث العدین، حیس، الشجن اور الخمسین سمیت متعدد شہری آبادیوں کو نشانہ بنایا گیا ہے تاہم یمنی حکام کی طرف سے ان حملوں سے ہونے والے جانی و مالی نقصان کی تفصیلات تاحال جاری نہیں کی گئیں۔

واضح رہے کہ جارح سعودی عرب کی طرف سے یمن پر مسلط کردہ اس وحشت ناک جنگ کو آج کے روز 5 سال مکمل ہو رہے ہیں جبکہ اس جنگ کی وجہ سے اکثر یمنی شہریوں کے وبائی امراض اور قحط کا شکار ہو جانے کے علاوہ دسیوں لاکھ بےگناہ یمنی شہری شہید و زخمی بھی ہو چکے ہیں۔

ٹیگز
Show More

متعلقہ مضامین

Back to top button
Close