اہم ترین خبریںسعودی عرب

ہزاروں خواہشیں ایسی کے ہر خواہش پر دم نکلے ، سعودی عرب کا امریکا سے ایران پرفوری حملے کا مطالبہ

بین الاقوامی خبر رساں ادارے کے مطابق سعودی عرب کے موقر اور حکومت نواز اخبار عرب نیوز نے اپنے ایک اداریے میں لکھا کہ ایران کی دھمکیوں کے تناظر میں اور حال ہی میں سعودی تیل بردار بحری جہازوں پر حملے کے بعد امریکا کو ایران پر سرجیکل حملے شروع کر دینے چاہئیں۔

شیعت نیوز: بلی کو خواب میں چھیچڑے دکھائی دینے لگے ہیں اور ہزاروں خواہشیں ایسی ہیں کے ہر خواہش پر دم نکل رہاہے ۔امریکا اور ایران کے درمیان حالیہ کشیدہ صورتحال کا فائدہ اٹھاتے ہوئے حکومت نواز سعودی اخبار نے اپنے اداریے میں امریکا سے ایران پر سرجیکل اسٹرائیک کرنے کا مطالبہ کردیا۔

بین الاقوامی خبر رساں ادارے کے مطابق سعودی عرب کے موقر اور حکومت نواز اخبار عرب نیوز نے اپنے ایک اداریے میں لکھا کہ ایران کی دھمکیوں کے تناظر میں اور حال ہی میں سعودی تیل بردار بحری جہازوں پر حملے کے بعد امریکا کو ایران پر سرجیکل حملے شروع کر دینے چاہئیں۔

سعودی اخبار نے امریکا کے ایران پر سرجیکل اسٹرائیک کو منطقی قدم قرار دیتے ہوئے مزید لکھا کہ امریکا نے شام کی کیمیائی ہتھیار سازی کی تنصیبات کو نشانہ بنا کر پہلے ہی مثال قائم کر دی تھی اور ایک بار پھر خطے میں امریکی کارروائی کی ضرورت ہے۔

اداریے میں کہا گیا کہ امریکا کی جانب سے ایران پر اقتصادی پابندیوں کے واضح نتائج ابھی تک سامنے نہیں آسکے ہیں اور نا ہی ایران اپنی سرگرمیوں سے باز آیا ہے اس لیے امریکا کو حملے کردینا چاہئیں۔ ایران پر دباؤ ڈالنے کے لیے دیگر عالمی قوتوں کو بھی اپنا کردار ادا کرنا ہوگا۔

یہ خبر بھی ضرورپڑھیں : امریکہ اور ایران کی جنگ ہوئی تو فاتح کون ہوگا ؟؟

واضح رہے کہ ایران کی جانب سے عالمی جوہری معاہدے کی بعض شقوں سے دستبردار ہونے اور جوہری توانائی پروگرام کو جاری رکھنے کے عزم کے اظہار کے بعد امریکا نے پہلے ہی قطر میں اپنے فوجی کیمپ میں فائٹر جیٹ طیارے اور طیارے بردار بحری بیڑا پہنچا دیا ہے۔

واضح رہے کہ امریکی احمق صدر ڈونلڈ ٹرمپ کی ایران پر حملے کی خواہش دن بدن زور پکڑتی جارہی ہے ۔ اس خواہش کا فائدہ اٹھاتے ہوئے سعودی حکومت بھی اس آگ پر ہاتھ تاپنا چاہتی ہے جسے یمن ، شام اورعراق میں خطیر سرمایہ کاری کے باوجود شدید نقصان کا سامنا کرنا پڑا ہے ۔

دوسری جانب ایرانی سپریم لیڈر آیت اللہ خامنہ ای نے ایرانی قوم اور عالمی دنیا کو واضح طورپر پیغام سے دیا ہے کہ بس دو جملے کہہ رہا ہوں کہ نا ہی جنگ ہو گی اور نا ہی ہم امریکہ سے مذاکرات کریں گے۔

ٹیگز
Show More

متعلقہ مضامین

Back to top button
Close