اہم ترین خبریںپاکستان

مجلس وحدت مسلمین کل ملک بھرمیں یوم انہدام جنت البقیع منائے گی، علامہ مقصودڈومکی

انہوں نے کہا کہ جب کشمیر میں بے گناہ مسلمانوں کا خون بہایا جارہا تھا تھا تو یہی نام نہاد عرب حکمران قاتل مودی کو میڈل اور تمغے پہنا رہے تھے

شیعت نیوز: مجلس وحدت مسلمین پاکستان کے مرکزی ترجمان مقصود علی ڈومکی نے کہا ہے کہ جنت البقیع میں مزارات انبیاء، آئمہ ، اصحاب اور ازواج رسول ؐ کی مسماری کے خلاف کل 8شوال کو ایم ڈبلیوایم کے تحت ملک بھرمیں یوم انہدام جنت البقیع منایا جائے گا۔احتجاجی مظاہرے اور ریلیاں منعقد کی جائیں گی اور آل سعود کے مظالم سے دنیا کو آگاہ کیا جائے گا۔

یہ بھی پڑھیں: پاکستانی چیئرمین سینیٹ صادق سنجرانی کی نومنتخب ایرانی سپیکرپارلیمنٹ باقرقالیباف کو مبارکباد

انہوں نے کہا کہ جب کشمیر میں بے گناہ مسلمانوں کا خون بہایا جارہا تھا تھا تو یہی نام نہاد عرب حکمران قاتل مودی کو میڈل اور تمغے پہنا رہے تھے اب جبکہ سرزمینِ وحی حجاز مقدس پر اصلاحات کے نام سے جوا خانے قائم کیے جا رہے ہیں اور فحاشی عریانی اور بے حیائی کو فروغ دیا جا رہا ہے حد یہ ہے کہ اسلام دشمن امریکی صدر ٹرمپ کے لئے تو رقص و سرود کی محفل سجائی جاتی ہیں جبکہ حجاز مقدس کے جن علمائے دین نے اسلامی تعلیمات کی خلاف ورزی پر صدائے احتجاج بلند کی ہے ان کے خلاف مقدمات اور گرفتاریوں کا سلسلہ جاری ہے۔ آیت اللہ شہید باقر النمر کی المناک شہادت حق بات کہنے کے سبب ہوا۔

یہ بھی پڑھیں: ایس آئی یو اور ایف آئی اے کی مشترکہ کارروائی داعش کا اہم دہشت گرد کراچی سے گرفتار

ہم مطالبہ کرتے ہیں کہ دنیا کے کروڑوں مسلمانوں کے دیرینہ مطالبے کو مدنظر رکھتے ہوئے جنت البقیع اور جنت المعلیٰ کو تعمیر کیا جائے۔ آل سعود کو امریکہ کی غلامی سے باہر نکلنا چاہیے کیونکہ امریکہ کی بدمعاشی اور چودھراہٹ کا سورج غروب ہو رہا ہے امریکہ اب سپر طاقت نہیں رہا بلکہ امریکہ اور اسرائیل اپنی تاریخ کی کمزور ترین پوزیشن پر چلے گئے ہیں اس ڈوبتی کشتی کے سوار امریکہ کے ساتھ ہی غرق ہوں گے لہذا مسلمان حکمرانوں کو امریکی غلامی کا راستہ اختیار کرنے کی بجائے اپنے عوام پر اعتماد کرنا چاہیے اور عالمی معاملات میں امت مسلمہ اور کشمیر و فلسطین کی مظلوم قوموں کے ساتھ ساتھ کھڑا رہنا چاہیے۔

ٹیگز

متعلقہ مضامین

Back to top button
Close