اہم ترین خبریںپاکستان کی اہم خبریں

مساجد اور امام بارگاہوں میں باجماعت نماز، جمعہ اور تراویح کی مشروط اجازت دےدی گئی

علماء مشائخ کے اجلاس کے بعد صدر مملکت عارف علوی نے میڈیا سے گفتگو کرتے ہوئے کہا مساجد اور امام بارگاہوں میں دریاں یاقالین نہیں بچھائے جائیں گے

شیعت نیوز: مساجد اور امام بارگاہوں میں باجماعت نماز، جمعہ اور تراویح کی مشروط اجازت دے دی گئی۔ صدر مملکت عارف علوی کا علما کرام کے ساتھ مشاورتی اجلاس میں 20 نکات پر اتفاق ہوگیا۔ علماء مشائخ کے اجلاس کے بعد صدر مملکت عارف علوی نے میڈیا سے گفتگو کرتے ہوئے کہا مساجد اور امام بارگاہوں میں دریاں یاقالین نہیں بچھائے جائیں گے، صاف فرش پر نماز پڑھی جائے گی، سڑکوں، فٹ پاتھوں پر نماز تراویح پڑھنے سے اجتناب کریں، مساجد کے احاطے میں نماز تراویح کا اہتمام کیا جائے، نماز سے پہلے اور بعد میں مجمع لگانے سے گریز کیا جائے گا، صف بندی کے دوران نمازیوں میں 6 فٹ کا فاصلہ کیا جائے۔

یہ بھی پڑھیں: سکیورٹی اداروں کی کامیاب کارروائی کالعدم سپاہ صحابہ کے 2خطرناک دہشتگردوں گرفتار

عارف علوی کا کہنا تھا مسجد میں نماز کیلئے کھڑے ہونے کیلئے نشان لگا لیا جائے، کوئی بھی نمازی مسجد میں کسی سے بغل گیر نہیں ہوگا، وضو گھر سے ہی کر کے مسجد میں جایا جائے، مسجد کے فرش کو صاف کرنے کیلئے کلورین کے محلول سے دھویا جائے، مسجد میں چٹائی پر بھی کلورین کے محلول کا چھڑکاؤ کیا جائے، صف میں 2 نمازیوں کی جگہ خالی چھوڑی جائے، مسجد میں 50 سال سے زائد عمر کے افراد، نابالغ بچے اور بیمار افراد کے آنے پر پابندی ہوگی، خلاف ورزی اور وبا کے پھیلاؤ کی صورت میں حکومت کو مداخلت کی اجازت ہوگی۔

یہ بھی پڑھیں: یہ وقت پوری لگن اور جانفشانی کے ساتھ قوم کی خدمت کرنے کا ہے، علامہ راجہ ناصرعباس

صدر مملکت نے مزید کہا امید ہے مساجد میں احتیاطی تدابیر اختیار کی جائیں گی، مساجد، مدارس کو امداد اور زکوٰة دینے کا سلسلہ جاری رکھیں، کورونا سے بچاؤ کیلئے احتیاطی تدابیر اختیار کرنی ہوں گی، اس سال رمضان میں ایک پالیسی بنائی جانی ضروری ہے، عبادات کے ساتھ حفظان صحت کے اصولوں کا خیال رکھا جائے، موجودہ صورتحال میں قوم میں اتفاق رائے انتہائی ضروری ہے، اس سال رمضان میں ایک پالیسی بنائی جانی ضروری ہے۔

ٹیگز

متعلقہ مضامین

Back to top button
Close