اہم ترین خبریںسعودی عرب

خادمین حرمین شریفین اور کشمیرکے قصاب مودی کا ’سٹریٹجک پارٹنرشپ کونسل‘ کے قیام کااعلان

نریندر مودی دو روزہ دورے پر سعودی عرب پہنچ چکے ہیں اور ان کے اس دورے کے دوران دونوں ممالک کے درمیان درجن سے زائد معاہدوں پر دستخط کیے جائیں گے۔

شیعت نیوز: خادمین حرمین شریفین کا کشمیرکے قصاب مودی کے ساتھ انڈیا سعودیہ سٹریٹجک پارٹنرشپ کونسل کا قیام کااعلان متوقع۔ لاکھوں مسلمانوں کے قاتل نریندرمودی کا سرزمین مقدس حجاز میں ریڈ کارپٹ استقبال ۔ نام نہاد امت مسلمہ کے ٹھیکیدار اور پاکستانی حکمرانوں کے مائی باپ کامکروہ چہرہ بے نقاب۔

تفصیلات کے مطابق بھارت اور سعودی عرب کے مابین ایک درجن سے زائد معاہدےبھارتی وزیراعظم نریندر مودی دو روزہ دورے پر سعودی عرب پہنچ چکے ہیں اور ان کے اس دورے کے دوران دونوں ممالک کے درمیان درجن سے زائد معاہدوں پر دستخط کیے جائیں گے۔

خبررساں ادارے کے مطابق بھارتی وزیراعظم نریندر مودی کے 2 روزہ دورے کے دوران بھارت اور سعودی عرب کے درمیان 12 سے زائد معاہدے طے پائیں گے۔ذرائع کے مطابق ان میں توانائی، دفاع، سول ایوی ایشن اور دیگر شعبوں کے معاہدے شامل ہوں گے۔

یہ بھی پڑھیں: مقبوضہ وادی پر بھارتی آئینی تسلط کا آغاز، کشمیری اپنے پرچم اور آئین سے بھی محروم

سرکاری دورے کے دوران وزیراعظم نریندر مودی سعودی فرماں رواں شاہ سلمان بن عبدالعزیز السعود سے ملاقات بھی کریں گے اور سعودی عرب کے خودمختار ویلتھ فنڈ ’پبلک انویسٹمنٹ فنڈ‘ کے زیرانتظام ہونے والے ’فیوچر انویسٹمنٹ انشٹی ایٹو فورم‘ سے خطاب کریں گے۔

وزیراعظم مودی کے اس دورے کے متعلق بھارتی حکام کا کہنا ہے کہ وزیراعظم کا یہ دورہ تاریخی نوعیت کا ہوگا جو دونوں ممالک کے باہمی تعلقات کو سٹریٹجک راستے پر گامزن کر دے گا۔امید ظاہر کی جا رہی ہے کہ اس دورے کے دوران ’انڈیا سعودی عرب سٹریٹجک پارٹنرشپ کونسل‘ کا قیام بھی عمل میں لایا جائے گا، جس کی سربراہی بھارت کی طرف سے نریندر مودی اور سعودی عرب کے طرف سے شاہ سلمان کریں گے۔

یہ کونسل دونوں ممالک کی سٹریٹجک پارٹنرشپ کی باقاعدگی سے نگرانی کرے گی۔یاد رہے کہ وزیراعظم مودی سعودی عرب کا یہ دورہ ایسے وقت میں کر رہے ہیں جب دنیا بھر میں موجود پاکستانی اور کشمیری یوم سیاہ کشمیر منا رہے ہیں، جس حوالے سے آج ایران کے دوسرے بڑے شہر مشہد مقدس میں پاکستانی کونسلیٹ کے زیر اہتمام یوم سیاہ کشمیر منایا جا رہا ہے۔

ٹیگز
Show More

متعلقہ مضامین

Back to top button
Close