اہم ترین خبریںلبنان

محرم الحرام فرائض اور ذمہ داریوں کا مجموعہ ہے۔ سید حسن نصر اللہ

شیعت نیوز : حزب اللہ کے سیکریٹری جنرل حسن نصر اللہ نے ایک بار پھر محرم الحرام میں عزاداری سید الشہداء کے موقع پر کورونا وائرس سے متعلق ایس او پیز اور طبی ضابطوں پرعمل کرنے کی ضرورت پر زور دیا ہے۔

لبنان کی عوامی اور انقلابی تحریک حزب اللہ کے سیکریٹری جنرل سید حسن نصر اللہ نے المنار ٹی وی چینل سے اپنے براہ راست خطاب میں محرم اور عزاداری کو شیعوں کے لئے اہم ترین مناسبت قرار دیا۔

یہ بھی پڑھیں : آتشی پتنگوں اور غباروں سے صیہونیوں کو مزہ چکھائیں گے، فلسطینی تنظیم

سید حسن نصر اللہ نے کہا کہ محرم الحرام در حقیقت شیعوں کے لئے بہت سے فرائض اور ذمہ داریوں کا مجموعہ ہے اور دنیا میں خاندان نبی و آل نبی(ص) کے چاہنے والے مختلف انداز میں عزاداری و سوگواری کا اہتمام کرتے ہیں۔

حزب اللہ کے سیکریٹری جنرل نے عزاداری کو عام کرنے میں ذرائع ابلاغ کے کردار کو اہم بتایا اور کہا کہ ذرائع ابلاغ کورونا کی محدودیتوں کے پیش نظر عزاداری و سوگواری کے پروگراموں اور مجلسوں کی کوریج پر پہلے سے زیادہ توجہ دیں۔

یہ بھی پڑھیں : عراق میں ترکی کا ایک فوجی ہیلی کاپٹر مار گرایا، 10 فوجی ہلاک

سید حسن نصر اللہ نے اظہار غم، شہروں قریوں اور گلی کوچوں کو سیاہ پوش کرنے اور وہاں پرچم عزا لہرانے کو فرزند رسول حضرت امام حسین علیہ السلام اور ان کے اصحاب باوفا کی سوگواری کا لازمہ قرار دیا۔

خیال رہے کہ اس سے قبل رہبر انقلاب اسلامی آیت اللہ العظمیٰ سید علی خامنہ ای اور عراق کے عظیم مرجع تقلید آیت اللہ سیستانی بھی محرم الحرام میں عزاداری اور سوگواری کے تمام اجتماعات میں کورونا سے متعلق طبی اصول و ضوابط منجملہ سماجی فاصلے کا خیال رکھنے کی تاکید فرماتے ہوئے اسے ایک شرعی ذمہ داری سے تعبیر کر چکے ہیں۔

ٹیگز
Back to top button
Close