کاپی رائٹ کی وجہ سے آپ یہ مواد کاپی نہیں کر سکتے۔
اہم ترین خبریںپاکستان

جشن آزادی کے موقع پرایم ڈبلیوایم کے وفدکی علامہ احمد اقبال کی زیر قیادت مزارقائد پر حاضری اور فاتحہ خوانی

رہنماؤں نے کہاکہ 15اگست کو کشمیری مظلوم عوام سے اظہار یکجہتی اور بھارت سے اظہار نفرت کے لئے یوم سیاہ منائیں گے۔کشمیر پاکستان کی شہہ رگ ہے اور وہاں بسنے والے مسلمان ہمارے بھائی ہیں

شیعت نیوز: مجلس وحدت مسلمین کے وفد کی یوم آزادی پاکستان کے موقع پر مزار قائد پر حاضری ۔وفدکی قیادت مرکزی ڈپٹی سیکریٹری جنرل علامہ سید احمد اقبال رضوی نے کی ۔رہنماؤں نے بانی پاکستان قائد اعظم کے مزار پر فاتحہ خوانی کی ا ور پھولوں کا گلدستہ رکھا۔اس موقع پر رہنماؤں نے ملکی سلامتی و استحکام کی خصوصی دعا کروائی۔وفد میں ایم ڈبلیو ایم سندھ کے سیکریٹری جنرل علامہ باقر عباس زیدی سمیت علامہ صادق جعفری، علامہ مبشر حسن، مولانا ملک عباس، مولانا احسان دانش ،مولانا غلام عباس کمیلی، مولانا فدا حسین منتظری، ناصرحسینی، ارشد اللہ مکتبی، میرتقی ظفر،حسن رضا، عالم اہل سنت مولانا عبداللہ جونا گڑھی اور دیگر بھی شریک تھے۔

یہ بھی لازمی پڑھیں: علامہ راجہ ناصرعباس کی ملت پاکستان سےجشن آزادی شایان شان اور 15اگست کو کشمیریوں سے یکجہتی کیلئےیوم سیاہ منانے کی اپیل

بعدازاں میڈیا کے نمائندگان سے گفتگو کرتے ہوئے ایم ڈبلیوایم کے رہنماعلامہ سید احمد اقبال رضوی اور علامہ باقرعباس زیدی نے کہاکہ قائد اعظم محمد علی جناح سمیت تحریک پاکستان کے رہنماؤں کی عظیم جدوجہد اور ہمارے بزرگوں کی قیمتی جانوں کی قربانیوں کے بدولت ہمیں یہ وطن عزیزنصیب ہوا۔14اگست کو ہمیں اپنے اجداد کی پیروی کرتے ہوئے اس ملک پر منڈلاتے خطرات کا مقابلہ کرنےکا عہد کرناہے۔

رہنماؤں نے کہاکہ 15اگست کو کشمیری مظلوم عوام سے اظہار یکجہتی اور بھارت سے اظہار نفرت کے لئے یوم سیاہ منائیں گے۔کشمیر پاکستان کی شہہ رگ ہے اور وہاں بسنے والے مسلمان ہمارے بھائی ہیں۔70سال سے زیادہ کا عرصہ بیت چکا ہے کشمیریوں پر بھارتی مظالم دن بہ دن بڑھتےجا رہےہیں۔

ٹیگز
Show More

متعلقہ مضامین

Back to top button
Close