پاکستان

علامہ راجہ ناصرعباس کی اپیل پر خانوادہ اسیران ملت جعفریہ کے دھرنے کی حمایت میں کل ملک گیریوم احتجاج منایاجائے گا

کراچی میں جاری خانوادگان اسیران ملت جعفریہ کے دھرنے اور انکے مطالبات کی مکمل حمایت کرتے ہیں ہم اس مشکل کی گھڑی میں اپنی ماوں بہنوں کو تنہا نہیں چھوڑ سکتے۔ حکومت اور ریاستی اداروں کو اس سنگین انسانی حقوق کی خلاف ورزی پر نوٹس لینا ہو گا۔

شیعت نیوز: علامہ راجہ ناصر عباس کی کراچی میں صدارتی کیمپ آفس کے سامنے پانچ روز سے جاری جبری گمشدہ افراد کے لواحقین کے دھرنے کی حمایت میں کل جمعہ کے دن ملک گیر احتجاج کی اپیل۔ ایم ڈبلیوایم کی چاروں صوبوں سمیت آزاد کشمیر اور گلگت بلتستان کے تمام اہم اضلاع میں بھر پور احتجاجی مظاہروں کی تیاری مکمل۔

سربراہ مجلس وحدت مسلمین پاکستان علامہ راجہ ناصر عباس جعفری نے میڈیا سیل سے جاری بیان میں کہا ہے کہ کراچی میں جاری خانوادگان اسیران ملت جعفریہ کے دھرنے اور انکے مطالبات کی مکمل حمایت کرتے ہیں ہم اس مشکل کی گھڑی میں اپنی ماوں بہنوں کو تنہا نہیں چھوڑ سکتے۔ حکومت اور ریاستی اداروں کو اس سنگین انسانی حقوق کی خلاف ورزی پر نوٹس لینا ہو گا۔ بے گناہ افراد کو اسطرح سے غائب کرنا بنیادی انسانی حقوق کی خلاف ورزی ہے اگر کوئی شخص کسی جرم میں ملوث ہے تو اسے عدالت میں پیش کیا جائے۔

یہ بھی پڑھیں : خانوادہ اسیران ملت جعفریہ کے دھرنے کی حمایت میں ایم ڈبلیوایم 3مئی کو ملک گیریوم احتجاج منائے گی، علامہ راجہ ناصرعباس

انہوں نے کہا ہے کہ بانیان پاکستان کی اولادوں کو دیوار سے لگانے کا سلسلہ بند کیا جائے ایسی صورت حال پیدا نہ کریں کہ لوگ ریاست اور حکمرانوں سے مایوس ہو جائیں دھرنے میں بیٹھے لوگ صدر پاکستان سے امیدیں لگائے بیٹھے ہیں صدر پاکستان کو دھرنے میں بیٹھے لوگوں کے مطالبات پر عملد رآمد کروانے کے لئے اپیل کرتے ہیں ۔

ٹیگز

متعلقہ مضامین

Back to top button
Close