اہم ترین خبریںپاکستان

یوم پاکستان کے موقع پرپوری قوم کو کورونا سے مقابلے کا عزم کرناچاہئے، علامہ راجہ ناصرعباس

انہوں نے کہا کہ آج کے دن پوری قوم دطن عزیز کو کرونا وائرس سے پاک کیے بغیر سکون سے نہ بیٹھنے کا تہیہ کر لے تو اس وبا سے چھٹکارا زیادہ مشکل نہیں

شیعت نیوز: مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے یوم پاکستان کے موقع پر اپنے پیغام میں کہا ہے کہ آج کے دن وطن کی خوشحالی ،ترقی اور تحفظ کے لیے تجدید عہد کرنا ہو گا۔ قیام پاکستان سے لے کر اب تک پوری قوم نے حکومت اور افواج پاکستان کے شانہ بشانہ مختلف چیلنجز کا مقابلہ کرکے یہ ثابت کیا کہ مشکل کی ہر گھڑی میں پوری پاکستانی قوم ایک جسم کی مانند ہے۔

یہ بھی پڑھیں: اسلامی اقدار کے تحفظ کے لئے جیل کی تاریک کوٹھڑیوں میں جاناامام موسیٰ کاظم ؑ کا امتیازہے،علامہ ساجد نقوی

انہوں نے کہا کہ جس عزم و حوصلے کے ساتھ دہشت گردی جیسے عفریت اور ملک کو درپیش مختلف چیلنجز کے خلاف پاکستانی قوم نے مثالی کامیابیاں حاصل کیں ہیں آزمائش کی موجودہ گھڑی میں اسے جذبے کو دہرانے کی ضرورت ہے۔آج کا دن ملک و قوم کی سالمیت اور بقا کے لیے انفرادی کردار کا تقاضہ کرتا ہے ۔کرونا وائرس کی وبا نے صحت عامہ کے حوالے سے پوری دنیا کو سنگین خطرات سے دوچار کر رکھا ہے۔یورپ اور چین جیسے ترقی یافتہ ممالک بھی اس کے حملوںسے محفوظ نہیں۔ وطن عزیز کے شہریوں کو اس وبا سے محفوظ رکھنے کے لیے ہر شخص کوسنجیدہ کوششیں کرنا ہوں گی۔ مضبوط معیشت ،باوقار طرز زندگی اور صحت مند پاکستان ہماری منزل ہے جس کے حصول کے لیے مزید محنت درکار ہے۔

یہ بھی پڑھیں: ضلعی وپولیس انتظامیہ کا علماورضاکاروں کوباہر نکالنے پر سکھرقرنطینہ میں زائرین کااحتجاج

انہوں نے کہا کہ آج کے دن پوری قوم وطن عزیز کو کرونا وائرس سے پاک کیے بغیر سکون سے نہ بیٹھنے کا تہیہ کر لے تو اس وبا سے چھٹکارا زیادہ مشکل نہیں۔ضرورت اس امر کی ہے کہ ہر شخص پُرعزم اور پُرخلوص انداز سے اپنی اپنی ذمہ داری سمجھتے ہوئے اپنے حصے کاکردار ادا کرے۔انہوں نے کہا کہ یوم پاکستان جہان وطن عزیز کی ترقی، خوشحالی اور نظریاتی و جغرافیائی سرحدوں کے تحفظ کے لیے اپنی جانیں نچھاور کرنے کا تقاضہ کرتا ہے وہاںاس ملک کو مختلف چیلنجز سے نبرد آزما ہونے کے لیے گلگت سے کراچی تک ایک قوم بننے کا پیغام بھی دے رہا ہے۔

ٹیگز
Show More

متعلقہ مضامین

Back to top button
Close