کاپی رائٹ کی وجہ سے آپ یہ مواد کاپی نہیں کر سکتے۔
مشرق وسطی

امریکی اقدام ڈکیتی کے سوا کچھ بھی نہیں ہے رجب طیب اردوغان

شیعتت نیوز مانیٹرنگ ڈیسک :ترکی کے صدر رجب طیب اردوغان نے واشگاف الفاظ میں کہا ہے کہ امریکہ کی جانب سے ایف -35 طیاروں کی ڈیل ختم کرنا در اصل ڈکیتی ہے۔ انہوں نے استفسار کیا کہ اگر آپ کا صارف (کسٹمر) بر وقت پیسوں کی ادائیگی کر رہا ہے تو آپ کیسے اسے وہ فراہم کرنے سے انکار کرسکتے ہیں؟ انہوں نے واضح کیا کہ اس عمل کو ڈکیتی ہی کا نام دیا جاسکتا ہے۔

ترکی کے صدر رجب طیب اردوغان کا کہنا ہے کہ ترکی اب تک ایف – 35 طیاروں کے لیے ایک عشاریہ چار بلین کی خطیر رقم ادا کرچکا ہے۔

انہوں نے کہا کہ چار طیارے پہلے ہی ترکی کے حوالے کیے جا چکے ہیں جنہیں اڑانے کی تربیت لینے کے لیے ترکی کے پائلٹس بھی امریکہ میں موجود ہیں۔

واضح رہے کہ امریکہ اور ترکی کے درمیان گزشتہ کچھ عرصے سے سخت تناؤ ہے اور اس کی وجہ ترکی کا روس کے ساتھ فوجی ساز و سامان کی خریداری کا معاہدہ کرنا ہے۔

ترکی کے نشریاتی ادارے ٹی آر ٹی کے مطابق ترکی کے صدر نے کہا کہ داعش ہو یا دنیا کی کوئی دوسری دہشتگرد تنظیم وہ معصوم انسانوں کے خون سے نہائی ہوئی ہے۔ ان کا کہنا تھا کہ ان تنظیموں کے شر سے عالم اسلام کو محفوظ رکھنا ہوگا۔

رجب طیب اردوغان نے کہا کہ یہ تنظیمیں ایسے سکے ہیں جو دونوں طرف ایک ہی رخ رکھتی ہیں اور ایسے جراثیم سے مشابہ ہیں جن کی آماجگاہ دلدل کے سوا کوئی اور جگہ نہیں ہے۔

ٹیگز
Show More

متعلقہ مضامین

Back to top button
Close