اہم ترین خبریںپاکستان

اب ایک نئی گیم کے ذریعے اسرائیل کا راستہ ہموار کیا جا رہا ہے،علامہ ساجد نقوی

کشمیر و فلسطین کو صرف مسلمانوں کا مسئلہ نہ سمجھا جائے، یہ انسانی حقوق کا سب سے بڑا مسئلہ ہے، جہاں اپنی ہی سرزمین پر ان مظلوموں پر ظلم و تشدد کے ذریعے انہیں بے وطن کیا جا رہا ہے یا قیدی بنا لیا گیا ہے

شیعیت نیوز: سربراہ شیعہ علماءکونسل پاکستان علامہ سید ساجد علی نقوی نے کہا ہے کہ جنگیں کبھی مسائل کا حل نہیں ہوتیں، استعماری قوتیں اپنے مقاصد کے حصول کے لئے ریاستوں کو ریاستوں سے اور عوام کو عوام سے لڑانے کی سازشیں کرتی ہیں، امت مسلمہ کو سمجھنا ہوگا کہ ایک کے بعد دوسرا ملک اس سازش کا شکار ہو رہا ہے، جن ممالک کے پاس وسائل ہیں، انہیں بیرونی جارحیت پر آمادہ کیا جاتا ہے اور جو ممالک ترقی پذیر ہیں، وہاں داخلی عدم استحکام پیدا کرنے سازشیں کی جاتی ہیں، دنیا کے پائیدار امن کے لئے مسئلہ کشمیر و فلسطین کا حل عوامی امنگوں کے مطابق ضروری ہے، سنجیدہ فکر شخصیات کو بھی امن کے لئے آگے آنا ہوگا۔

یہ بھی پڑھیں: شہید بھی ہم ، اسیر بھی ہم،بیلنس پالیسی کےتحت کوہاٹ سے 6بےگناہ شیعہ جوان گرفتار

میڈیا کو جاری اپنے بیان علامہ سید ساجد علی نقوی نے کہا کہ جنوبی ایشیاء میں مسئلہ کشمیر اور مشرق وسطیٰ میں مسئلہ فلسطین عالمی اداروں کی کارکردگی پر بڑا سوالیہ نشان ہے ،عراق اور افغان جنگ کے بعد اثرات پوری دنیا سمیت جنوبی ایشیاء اور مشرق وسطیٰ پر پڑے جس سے افغانستان اور عراق کے ساتھ ان کے ہمسائیہ ممالک سب سے زیادہ متاثر ہوئے۔ ان کا کہنا تھا کہ یہ جنگیں بھی ایک سازش کے تحت مسلط کی گئیں اور اب ایک نئی گیم کے ذریعے اسرائیل کا راستہ ہموار کیا جا رہا ہے، جس سے خود اسلامی دنیا میں خلیج بڑھ گئی ہے، مسئلہ کشمیر و فلسطین کے مستقل حل کے لئے عوامی امنگوں کے مطابق حل ضروری ہے۔

یہ بھی پڑھیں: ناروے میں مقیم پاکستانی نژاد شیعہ سنی علماء کا حکومت پاکستان سے فرقہ وارانہ منافرت کی فوری روک تھام کا مطالبہ

کشمیر و فلسطین کو صرف مسلمانوں کا مسئلہ نہ سمجھا جائے، یہ انسانی حقوق کا سب سے بڑا مسئلہ ہے، جہاں اپنی ہی سرزمین پر ان مظلوموں پر ظلم و تشدد کے ذریعے انہیں بے وطن کیا جا رہا ہے یا قیدی بنا لیا گیا ہے۔ دنیا کی باضمیر اور سنجیدہ شخصیات کے لئے یہ بڑا سوال ہے۔ علامہ سید ساجد علی نقوی کا مزید کہنا تھا کہ پاکستان میں بھی داخلی طور پر عدم استحکام پیدا کرنے کی کوشش کی گئی، ماضی میں عوام میں دوریاں بڑھانے کی سازش ہوئی، جسے ہم نے ناکام بنایا۔ اب چند ماہ سے ایک فضا بنا کر نفرت، فرقہ واریت پھیلانے کی پھر سازش کی جا رہی ہے، ہم اس ملک میں اتحاد وحدت کے بانیوں میں سے ہیں اور ہم ایک مرتبہ پھر اس فتنے کے ذریعے ملکی وحدت کے خلاف کی گئی سازش کو اتحاد کے ذریعے ناکام بنائیں گے۔ البتہ دیگر طبقات کے سنجیدہ فکر افراد کو اس جانب توجہ دینا ہوگی اور مزید کسی نئی سازش سے بچنا ہوگا۔ اس وقت کشمیر، فلسطین سمیت مظلوم مسلمان طاقت ور مسلمان ملکوں کی جانب دیکھ رہے ہیں۔

متعلقہ مضامین

Back to top button
Close